Aaj News

جمعرات, مارچ 28, 2024  
17 Ramadan 1445  

ممنوعہ فنڈنگ کیس کا فیصلہ عمران خان کے خلاف چارج شیٹ ہے، وزیراعظم

قوم کو عمران خان کی سیاست کے مضمرات پر غور کرنا چاہیئے، عمران خان کی سیاست غیر ملکیوں سے چلائی جاتی ہے، شہباز شریف
اپ ڈیٹ 02 اگست 2022 04:16pm
ایک بارپھر ثابت ہوا کہ عمران خان مصدقہ جھوٹے ہیں، شہبازشریف
فوٹو۔۔۔۔۔۔۔۔۔۔ فائل
ایک بارپھر ثابت ہوا کہ عمران خان مصدقہ جھوٹے ہیں، شہبازشریف فوٹو۔۔۔۔۔۔۔۔۔۔ فائل

اسلام آباد: وزیراعظم شہبازشریف نے کہا ہے کہ ایک بارپھر ثابت ہوا کہ عمران خان مصدقہ جھوٹے ہیں، ممنوعہ فنڈنگ کیس میں الیکشن کمیشن کا فیصلہ عمران خان کے خلاف چارج شیٹ ہے۔

سماجی رابطے کی ویب سائٹ ٹوئٹر پر اپنے ٹویٹ میں وزیراعظم شہبازشریف نے پی ٹی آئی فارن فنڈنگ کیس پر ردعمل دیتے ہوئے کہا ہے کہ الیکشن کمیشن کا فیصلہ عمران خان پرآئین کی خلاف ورزی ،جھوٹے حلف نامے اورغیرملکی رقم وصول کرنے کی چارج شیٹ ہے۔

وزیراعظم نے کہا کہ قوم کو عمران خان کی سیاست کے مضمرات پر غور کرنا چاہیئے، عمران خان کی سیاست غیر ملکیوں سے چلائی جاتی ہے۔

واضح رہے کہ الیکشن کمیشن نے پی ٹی آئی فارن فنڈنگ کیس کا فیصلہ سناتے ہوئے کہا ہے کہ پی ٹی آئی کی ممنوعہ فنڈنگ ثابت ہو گئی ہے۔

الیکشن کمیشن کے فیصلے میں کہا گیا ہے کہ پی ٹی آئی کو 34 غیر ملکیوں اور 351 کمپنیوں کی جانب سے فنڈنگ فراہم کی گئی جو غیر قانونی ہے۔

اسلام آباد

imran khan

pti foreign funding case

PM Shehbaz Sharif

Prohibited Funding Case

Comments are closed on this story.

تبصرے

تبولا

Taboola ads will show in this div