Aaj News

فیکٹ چیک: روسی صدرپیوٹن بھی پی ٹی آئی کی خوشیوں میں شریک

ولادیمیرپیوٹن کی ایک تصویرسوشل میڈیا پرخاصی وائرل ہے
اپ ڈیٹ 23 جولائ 2022 06:19pm
<p>Digitally altered photo of Putin watching PTI victory in by-elections. Photo: Twitter / ownDSK</p>

Digitally altered photo of Putin watching PTI victory in by-elections. Photo: Twitter / ownDSK

روس کے صدر ولادیمیرپیوٹن کی ایک تصویرسوشل میڈیا پرخاصی وائرل ہے جس میں وہ پاکستان کے سابق وزیراعظم عمران خان کی سیاسی جماعت کی حالیہ ضمنی انتخابات میں جیت کی کوریج انتہائی ذوق وشوق سے دیکھ رہے ہیں۔

پاکستان تحریک انصاف نے 18 جولائی 2022 کو پنجاب میں ہونے والے ضمنی انتخاب میں 20 میں سے 15 نشستوں پرفتح حاصل کی تھی اورسیاسی امورپرگہری نظررکھنے والے ان ضمنی انتخابات کا پس منظربخوبی جانتے ہوں گے۔

سوشل میڈیا پروائرل تصویرمیں روسی صدرٹیلی ویژن کے سامنے بیٹھے ہیں اور اسکرین پر “ روس ٹوڈے“ کے علاوہ ٹکرسلائیڈ میں عمران خان کی پارٹی کی ضمنی انتخابات میں کامیابی کی خبر چل رہی ہے۔

ٹوئٹرصارفین نے اس تصویرکو “روسی صدر پیوٹن عمران خان کی فتح کی خبریں دیکھ رہے ہیں” کے کیپشن کے ساتھ شیئرکیا۔

تاہم یہ اصل تصویرنہیں، فوٹوگرافی ایجنسی الامی کی 26 جنوری 2022 کو شائع کی جانے والی اس تصویر کے عنوان میں بتایاگیا ہے کہ روسی صدر نووو اوگاریوو کی رہائش گاہ پر اطالوی کاروباری رہنماؤں کے ساتھ ویڈیو کانفرنس میٹنگ میں شریک ہیں۔

ریورس امیج سرچ سے پتہ چلتا ہے کہ یہ تصویرواشنگٹن پوسٹ اوریورونیوزسمیت معروف پبلیکیشنز نے جنوری 2022 میں شائع کی تھی اس کے علاوہ کریملن ویب سائٹ پربھی تصویرکی سُرخی تھی،“اطالوی کاروباری برادری کے نمائندوں سے ملاقات”۔

یہی غیر تبدیل شدہ تصویر جنوری 2022 میں ہی روسی سفارت خانے کے آفیشل ٹویٹر اکاؤنٹ سے بھی شیئر کی گئی تھی۔

واضح رہے کہ پاکستان ان دنوں شدید سیاسی عدم استحکام سے دو چارہے، اپریل میں وزارت عظمیٰ کا منصب سنبھالنے والے شہباز شریف پر عمران خان کی جانب سے ملک بھر میں سیاسی اجتماعات کا انعقاد کرتے ہوئے قبل از وقت انتخابات کرانے کے لیے شدید دباؤ ہے۔

pti

Vladimir Putin

Punjab By Elections 2022

Comments are closed on this story.

مقبول ترین