گال ٹیسٹ کے پہلے روز قومی بولرز نے آئی لینڈرز کی بیٹنگ لائن کی کمر توڑ دی۔

پاکستان کی جانب سے ایک سو تین کے اسکور پر چھ وکٹس گرائی گئیں۔

شاہین آفریدی کی تین اور کم بیک میچ میں یاسرشاہ کی دو وکٹیں حاصل کیں۔

پاکستان اور سری لنکا کے درمیان پہلے ٹیسٹ کا آغاز آج سری لنکا کے شہر گال میں ہوا جس میں سری لنکا نے ٹاس جیت کر پہلے بیٹنگ کا فیصلہ کیا۔

کپتان بابراعظم کا کہنا ہے کہ ہوم کنڈیشنزمیں سری لنکا آسان حریف نہیں ہے، کوشش ہوگی بہتر پرفارم کریں۔

سری لنکا گال میں دو متضاد نتائج کے بعد پاکستان سیریز میں داخل ہوا ہے۔

مذکورہ ٹیسٹ سیریز 2021-2023 کے آئی سی سی ورلڈ ٹیسٹ چیمپئن شپ سائیکل کے تحت کھیلی جائے گی۔

پہلا ٹیسٹ گال انٹرنیشنل کرکٹ اسٹیڈیم میں ہوگا جبکہ دوسرا میچ 24 سے 28 جولائی تک کولمبو اسٹیڈیم میں کھیلا جائے گا۔

پچھلی دہائی کے وسط تک، سری لنکا اور پاکستان کے درمیان سالانہ بنیادوں پر ٹیسٹ سیریز کھیلی جاتی رہی ہیں۔

دونوں ممالک کی ٹیموں کا اکثر آپس میں مقابلہ ہوتا تھا اور زبردست تیاری کی جاتی تھی۔