لاہور: پاکستان کرکٹ بورڈ (پی سی بی) نے انڈین پریمیئر لیگ (آئی پی ایل) کی ڈھائی ماہ پر مبنی طویل ونڈو پر خدشات کا اظہار کردیا۔

میڈیا رپورٹس کے مطابق آئی پی ایل کی ڈھائی ماہ پر مبنی ونڈو پر پی سی بی دیگر بورڈز سے بات چیت کا خواہاں ہے۔

پی سی بی کا مؤقف ہے کہ ٹورنامنٹ کی طویل ونڈو سے انٹرنیشنل کرکٹ متاثر ہوسکتی ہے۔

بھارتی بورڈ نے آئی پی ایل کی ونڈو کے حوالے سے دیگر کرکٹ بورڈزسے بھی رابطہ کیا ہے۔

پاکستان کرکٹ بورڈ جولائی میں برمنگھم میں ہونے والے آئی سی سی اجلاس کے دوران یہ معاملہ اٹھائے گا۔