صدر مسلم لیگ (ق) چوہدری شجاعت حسین کے چھوٹے بھائی چوہدری وجاحت کے صاحبزادے حسین الٰہی نے پارٹی چھوڑدی ہے۔

ٹوئٹر پر ایک بیان میں چوہدری حسین الٰہی نے کہا کہ ‘میرے لئے ملک پہلے ہے،اس بات کو مد نظر رکھتے ہوئے ق لیگ کے ساتھ اپنے سیاسی سفر کو ختم کرنے کا فیصلہ کیا ہے’۔

انہوں نے کہا کہ اپنے سیاسی مستقبل کا فیصلہ مونس الٰہی کے ساتھ کروں گا البتہ ایسی پارٹی میں نہیں رہ سکتا جو شہباز شریف کی حکومت کو سپورٹ کرتی ہو۔

دوسری جانب ذرائع کا کہنا ہے کہ سیاسی اختلافات کے باعث چوہدری برادران اور پرویز الٰہی کے درمیان فاصلے بڑھنے لگ گئے ہیں جب کہ سالک حسین مستقبل کی سیاست مسلم لیگ (ن) کے ساتھ کرنا چاہتے ہیں۔