Aaj News

وزیراعلیٰ پنجاب نے منشیات فروشی کیخلاف کارروائیوں کا حکم دے دیا

لاہور: وزیراعلیٰ پنجاب حمزہ شہباز نے منشیات فروشی کیخلاف بھرپور کارروائیوں کا حکم دے دیا۔ انہوں نے کہا کہ چینی اور...
شائع 07 جون 2022 12:54pm
<p>Photo: FILE</p>

Photo: FILE

لاہور: وزیراعلیٰ پنجاب حمزہ شہباز نے منشیات فروشی کیخلاف بھرپور کارروائیوں کا حکم دے دیا۔

انہوں نے کہا کہ چینی اور گھی کی قیمتوں میں کمی کے حوالے سے جلد خوشخبری دینگے۔

وزیراعلیٰ پنجاب سے لاہور کے سابق چیئرمینوں اور وائس چیئرمینوں نے ملاقات، حمزہ شہباز نے ان کے مسائل سنے اور حل کیلئے موقع پر ہدایات دیں۔

وزیراعلیٰ نے سی سی پی او لاہور کو منشیات کیخلاف موثر اور منظم مہم چلانے کی ہدایت کی۔

حمزہ شہباز نے کہا کہ عوام کو مشکل وقت میں ریلیف دینے کیلئے آٹے پر دو سو ارب روپے سبسڈی دے رہے ہیں، چینی اور گھی کی قیمتوں میں کمی کے حوالے سے جلد خوشخبری دینگے۔

وزیراعلیٰ پنجاب نے کہا کہ اگلے ماہ سے منتخب ہسپتالوں میں کینسر اور دیگر ادویات مفت ملیں گی، اندرون لاہور میں بجلی کے لٹکتے ہوئے تار اور گیس کی عدم فراہمی کے مسائل بھی حل کئے جائیں گے۔

ان کا کہنا تھا کہ سیاست نہیں خدمت پر یقین رکھتا ہوں، عوام کے دکھوں کے مداوے اور مسائل کے حل کیلئے ہر چھوٹے بڑے شہر جاؤں گا۔

cm punjab

lahore

Hamza Shehbaz

Comments are closed on this story.

مقبول ترین