Aaj News

جمعہ, مارچ 29, 2024  
18 Ramadan 1445  

پنجگور کے سرحدی مقام پر بم دھماکہ، 5 افراد جاں بحق

سرحدی علاقے پروم میں نامعلوم دہشت گردوں کی جانب سے سڑک کنارے نصب بم زوردار دھماکے سے پھٹ گیا
شائع 03 جون 2022 05:17pm
دہشت گردوں کی تلاش شروع کر دی ہے۔ فوٹو — فائل
دہشت گردوں کی تلاش شروع کر دی ہے۔ فوٹو — فائل

بلوچستان کے علاقے پنجگور کے سرحدی مقام پر بم دھماکے کے نتیجے میں 5 افراد جاں بحق جب کہ تین زخمی ہوگئے۔

پنجگور کے سرحدی علاقے پروم میں نامعلوم دہشت گردوں کی جانب سے سڑک کنارے نصب بم زوردار دھماکے سے پھٹ گیا جس کی زد میں آکر ایک گاڑی تباہ ہو گئی جس میں سوار 5 افراد موقع پر ہی جاں بحق جب کہ تین افراد شدید زخمی ہوئے۔

حکام کے مطابق انتظامیہ تحقیقات کر رہی ہیں کہ یہ دھماکہ ریموٹ کنڑول بم کے زریعے کیا گیا یا بارودی سرنگ دھماکہ تھا تاہم لاشوں اور زخمیوں کو فوری طور پر قریبی ہسپتال منتقل کردیا گیا ہے۔

حکام نے بتایا کہ جاں بحق افراد کی شناخت راؤ عمر، آمین، افزین عباس، ثقلین اور امین انجم کے ناموں سے ہوئی جب کہ زخمیوں میں شہناز اقبال، سعید انور اور محمد اعجاز شامل ہیں۔ دھماکے کے بعد سیکورٹی فورسز نے علاقے کو گھیرے میں لے کر دہشت گردوں کی تلاش شروع کر دی ہے۔

بلوچستان

Blast

Comments are closed on this story.

تبصرے

تبولا

Taboola ads will show in this div