پشاور: پاکستان تحریک انصاف کے چیئرمین عمران خان نے ولی انٹرچینج سے لانگ مارچ کا آغاز کردیا۔

چیئرمین تحریک انصاف عمران خان کنٹینر پرسوار ہوگئے، عمران خان ولی انٹرچینج سے قافلے کی قاتدت کرتے ہوئے صوابی روانہ ہوئے۔

اس سے قبل سابق وزیراعظم عمران خان نے سماجی رابطے کی ویب سائٹ ٹوئٹر پر اپنے ویڈیو بیان میں کہا کہ میں اس وقت پشاور سے مارچ کا آغاز کررہا ہوں اور میں ولی انٹرچینج پہنچ رہا ہوں ۔

My message for the people of KP pic.twitter.com/pplWbtgb0M

— Imran Khan (@ImranKhanPTI) May 25, 2022

وزیراعظم نے کہا کہ میں سارے پختونخوا کے لوگوں کو دعوت دے رہا ہوں کہ ولی انٹر چینج پہنچیں، میں ادھر سے حقیقی آزادی مارچ کے کارواں کو لیڈ کروں گا، وہاں سے اسلام آباد کی طرف نکلیں گے۔

عمران خان کا مزید کہنا تھا کہ مجھے امید ہے سب میرے ساتھ نکلیں گے، یہ پاکستان کی تاریخ میں فیصلہ کن وقت ہے، ہم حقیقی آزادی لے کر رہیں گے۔