ممبئی: بھاتی خاتون صحافی کی انوکھی رپورٹنگ کی ویڈیو سوشل میڈیا پر وائرل ہوگئی، جس نے لاکھوں لوگوں کو اپنی جانب متوجہ کرلیا۔

پاکستان سمیت دنیا بھر میں ہر صحافی اپنی انوکھی رپورٹنگ کی وجہ سے خاص مقام رکھتے ہیں، ایسے میں لاہور کے معروف رپورٹر امین حفیظ اور کراچی کے رپورٹر چاند نواب کو یاد نہ رکھنا ناانصافی ہوگی۔

اسی اثنا میں سوشل میڈیا پر بھارتی خاتون صحافی کی انوکھے انداز میں رپورٹنگ کی ویڈیو وائرل ہورہی ہے، جس پر صارفین دلچسپ تبصرے کررہے ہیں۔

تاہم وائرل ویڈیو میں خاتون صحافی کو دیکھا جاسکتا ہے،جس میں وہ روس اور یوکرین تنازع پر اپنے چینل کو ہندی زبان میں بیپر دے رہی ہیں۔

دلچسپ بات یہ ہے کہ رپورٹنگ کے دوران وہ ایک جگہ پر کھڑے ہوکر رپورٹنگ کرنے کے بجائے مسلسل ہاتھوں کے ساتھ ساتھ اپنے پیر بھی چلارہی ہیں۔

اس کے علاوہ حال ہی میں تحریک انصاف کے کراچی جلسے کے دوران ایک اور ویڈیو بھی وائرل ہوئی تھی۔

جس میں چاند نواب شرکاء کو کیمرے کے آگے سے ہٹاکر رپورٹنگ کرنا چاہ رہے ہیں لیکن ارد گرد کے افراد جان بوجھ کرشرارت کررہے ہوتے ہیں۔

اس کے ساتھ پاکستان کے ایک نجی چینل کے رپورٹر امین حفیط بھی اپنے منفرد انداز کے سبب رپورٹنگ کی دنیا میں اپنا خاص مقام رکھتے ہیں جبکہ ان کے اسی اندازگفتگو کی وجہ نمایاں مقام حاصل کیا۔