Aaj News

جمعہ, مارچ 29, 2024  
18 Ramadan 1445  

عثمان بزادر کو وزیر اعلیٰ پنجاب کے عہدے پر بحال کرنے کی درخواست نمٹادی گئی

لاہورہائیکورٹ نے درخواست گزار کے وکیل پر سخت برہمی کا اظہار کرتے ہوئے ریمارکس دیئے کہ آپ لوگوں نے عدالتوں کو مذاق بنایا ہوا ہے۔
شائع 21 اپريل 2022 12:25pm

لاہور ہائیکورٹ نے عثمان بزادر کو وزیر اعلیٰ پنجاب کے عہدے پر بحال کرنے کی درخواست واپس لینے کی بنیاد پر نمٹا دی۔

لاہور ہائیکورٹ کے چیف جسٹس محمد امیر بھٹی نے شہری تنویر سرور کی درخواست پر سماعت کی۔

چیف جسٹس نے درخواست گزار کے وکیل ندیم سرور پر سخت برہمی کا اظہار کرتے ہوئے کہا کہ آپ متاثرہ فریق نہیں ہیں۔

درخواست گزار نے مؤقف اختیار کیا کہ انہوں نے بطور قانون کا طالب علم درخواست دائر کی۔

عدالت نے ریمارکس دیئے کہ جب متاثرہ فریق مطمئن ہے تو آپ نے درخواست کیوں دائر کی؟ آپ لوگوں نے عدالتوں کو مذاق بنایا ہوا ہے،جمہوریت جمہوریت کہتے ہیں، مگر ذرا سا صبر نہیں ہے، کیا یہ جمہوریت ہے؟ ۔

درخواست گزار کی جانب سے درخواست واپس لینے پر چیف جسٹس لاہورہائیکورٹ نے معاملہ نمٹا دیا۔

LHC

Chief Justice

Usman Buzdar

lahore

Punjab CM

Comments are closed on this story.

تبصرے

تبولا

Taboola ads will show in this div