Aaj News

جمعہ, مارچ 29, 2024  
18 Ramadan 1445  

عمران خان شکست تسلیم کرنے کے بجائے قوم کو تقسیم کرنے میں مصروف ہیں: شہباز شریف

اسلام آباد: قومی اسمبلی میں اپوزیشن لیڈر شہباز شریف نے وزیراعظم...
شائع 02 اپريل 2022 08:32pm

اسلام آباد: قومی اسمبلی میں اپوزیشن لیڈر شہباز شریف نے وزیراعظم عمران خان پر تنقید کرتے ہوئے کہا ہے کہ پہلے وزیراعظم کے خلاف غداری کا مقدمہ درج ہونا چاہیے۔

شہباز شریف نے وزیراعظم کے خطاب کے فوراً بعد اسلام آباد میں پریس کانفرنس کرتے ہوئے کہا کہ سب سے پہلے عمران خان کے خلاف غداری کا مقدمہ درج ہونا چاہیے، 2014 کا دھرنا ختم نہ کر کے عمران خان نے قوم کے وقار کو ٹھیس پہنچائی۔

مسلم لیگ ن کے صدر نے کہا کہ اگر سیاست دان ’’غداری اور حب الوطنی‘‘ میں ملوث ہوئے تو معاملہ ہاتھ سے نکل جائے گا۔

انہوں نے کہا کہ اگر وزیراعظم عمران خان آئین اور قانون کے خلاف جائیں گے تو اپنا راستہ اختیار کریں گے۔

شہباز شریف کا غداری کا بیان ایسے وقت میں سامنے آیا ہے جب وزیر اعظم عمران نے الزام لگایا ہے کہ ان کے خلاف پیش کی گئی تحریک عدم اعتماد "غیر ملکی سازش" ہے۔

انہوں نے کہا کہ عمران خان شکست تسلیم کرنے کے بجائے قوم کو تقسیم کرنے میں مصروف ہیں، وہ آئینی اور قانونی راستے پر چلنے سے انکار کر رہے ہیں۔

وزیر اعظم عمران کی جانب سے تحریک عدم اعتماد پر ووٹنگ سے قبل کل مظاہروں کی کال پر شہباز نے کہا کہ ’’وہ اپنے حامیوں کو اس فیصلے کو سبوتاژ کرنے پر اکسا رہے ہیں جو کل پارلیمنٹ میں لیا جائے گا۔‘‘

اپوزیشن لیڈر نے کہا کہ ایم این ایز کو پارلیمنٹ میں آنے کا حق ہے، تحریک عدم اعتماد میں شکست کے بعد تشدد پر اکسانے والوں کا حساب لیا جائے گا۔

شہباز شریف نے کہا کہ مجھے امید ہے کہ پولیس اور انتظامیہ سپریم کورٹ کے احکامات کے پیش نظر امن و امان برقرار رکھیں گے۔

shahbaz sharif

no trust move

Comments are closed on this story.

تبصرے

تبولا

Taboola ads will show in this div