Aaj News

پیپلز پارٹی ایم پی اے اپنے قبیلے کی سربراہ منتخب

تاریخ میں پہلی مرتبہ سندھ سے پیپلز پارٹی کی ایم پی اے ہیر سوہو...
شائع 23 مارچ 2022 01:27pm
Photo: FILE
Photo: FILE

تاریخ میں پہلی مرتبہ سندھ سے پیپلز پارٹی کی ایم پی اے ہیر سوہو اپنے قبیلے کی سربراہ(سردار) منتخب ہوگئیں۔

تفصیلات کے مطابق سندھ میں پہلی بار کسی خاتون کو قبیلے کا سربراہ منتخب کیا گیا ہے۔

یہ فیصلہ سوہو قبیلے کے بزرگوں نے متفقہ طور پر کیا۔

ہیر سوہو 26 ستمبر 1975 کو میرپور بٹھورو، ٹھٹھہ، میں پیدا ہوئیں، انہوں نے زراعت اور معاشیات میں ماسٹرز کی ڈگری حاصل کی۔

ایم پی اے ہیر سوہو 2002 کے عام انتخابات میں خواتین کی مخصوص نشست پر متحدہ قومی موومنٹ ایم کیو ایم کے امیدوار کے طور پر سندھ کی صوبائی اسمبلی کے لیے منتخب ہوئی تھیں۔

بعد ازاں وہ 2008 کے عام انتخابات میں حلقہ NA-238 (ٹھٹھہ-II) سے ایم کیو ایم کی امیدوار کے طور پر پاکستان کی قومی اسمبلی کی نشست کے لیے انتخاب لڑیں، لیکن ناکام رہیں اور سید ایاز علی شاہ شیرازی سے نشست ہار گئیں۔

ہیر سوہو نے 2013 کے عام انتخابات میں حلقہ PS-85 (ٹھٹھہ-II) سے ایم کیو ایم کے امیدوار کے طور پر سندھ کی صوبائی اسمبلی کی نشست پر حصہ لیا، لیکن دوبارہ ناکام رہے اور امیر حیدر شاہ شیرازی سے نشست ہار گئیں۔

مارچ 2018 میں ہیر سوہو نے ایم کیو ایم چھوڑ کر پاکستان پیپلز پارٹی (پی پی پی) میں شمولیت اختیار کی۔

وہ 2018 کے عام انتخابات کے بعد خواتین کی مخصوص نشست پر پی پی پی کی امیدوار کے طور پر سندھ کی صوبائی اسمبلی کے لیے دوبارہ منتخب ہوئیں۔

Sindh Assembly

sindh

MPA

Comments are closed on this story.