Aaj News

جمعہ, مارچ 29, 2024  
18 Ramadan 1445  

پتوکی: پاپڑ بیچنے والا مزدور باراتیوں کے تشدد سے جاں بحق، باراتی کھانا کھاتے رہے

پتوکی میں انسانیت سوز واقعہ پیش آیا، جہاں شادی ہال میں باراتیوں نے پاپڑ بیچنے والے محنت کش اشرف عرف سلطان کو تشدد کا نشانہ بنا کر مار ڈالا۔
اپ ڈیٹ 22 مارچ 2022 01:31pm

پتوکی میں شادی کے دوران پاپڑ بیچنے والا مزدور مبینہ طورپرباراتیوں کے تشدد سے جاں بحق ہوگیا، محنت کش کی لاش شادی ہال میں پڑی رہی اورباراتی مزے سے کھانا کھانے میں مصروف رہے۔

پتوکی میں انسانیت سوز واقعہ پیش آیا، جہاں شادی ہال میں باراتیوں نے پاپڑ بیچنے والے محنت کش اشرف عرف سلطان کو تشدد کا نشانہ بنا کر مار ڈالا۔

جان سے مارنے کے بعد مردہ ضمیر باراتی اس کی لاش کو گھسیٹتے ہوئے شادی ہال کے اندر لے گئے اور بےحسی کی انتہا کر دی۔

لاش فرش پر پڑی رہی اور باراتی مزے سے کھانا کھانے میں مصروف رہے۔

پولیس کا کہنا ہے کہ شادی میں آئے افراد نے اشرف پر جیب کاٹنے کے الزام میں تشدد کیا، تمام ملزمان جلد قانون کی گرفت میں ہوں گے۔

واقعے کی اطلاع ملتے ہی اس کے ورثا موقع پر پہنچ گے، مقتول کے بھائی کا کہنا ہے کہ ہمارے ساتھ ظلم ہوا، ہمیں انصاف چاہیئے۔

پولیس نےمقتول کے بھائی کی درخواست پر مقدمہ درج کرکے 12افراد کوحراست میں لےلیا۔

مقتول کی ابتدائی پوسٹ مارٹم رپورٹ میں تشدد کی تصدیق نہیں ہوائی تاہم فرانزک رپورٹ میں حقائق سامنےآئیں گے۔

پولیس حکام کے مطابق واقعے میں ملوث دیگر ملزمان کی فوٹیجز اورتصاویرکی مدد سے شناخت کی جارہی ہے۔

وزیراعلیٰ پنجاب کا پتوکی واقعے کا نوٹس، آئی جی سے رپورٹ طلب

دوسری جانب وزیراعلیٰ پنجاب عثمان بزدار نے پتوکی واقعے کا سخت نوٹس لیتےہوئے آئی جی پنجاب سے رپورٹ طلب کرلی۔

وزیر اعلیٰ عثمان بزدار نے کہا کہ ملزمان کو جلد قانون کی گرفت میں لایا جائے، ملزمان کسی رعایت کے مستحق نہیں۔

Murder

take notice

Comments are closed on this story.

تبصرے

تبولا

Taboola ads will show in this div