وزیر اعلیٰ سندھ سید مراد علی شاہ نے کہا ہے کہ قوم نے پاکستان پیپلز پارٹی کے چیئرمین بلاول بھٹو زرداری کی قیادت میں لانگ مارچ میں وزیر اعظم عمران خان کے خلاف فیصلہ سنایا ہے۔

انہوں نے کہا کہ لانگ مارچ میں گلگت بلتستان سمیت تمام صوبوں سے عوام نے شرکت کی۔

وزیراعلیٰ نے کہا کہ تحریک عدم اعتماد کے بعد وزیراعظم عمران خان اقتدار میں نہیں رہیں گے۔

انہوں نے وزیراعظم کو مشورہ دیا کہ وہ اپوزیشن کو دھمکیاں نہ دیں اور کہا کہ لانگ مارچ فیصلہ کن رہا کیونکہ عوام عمران خان کی حکومت کے خلاف اٹھ کھڑے ہوئے۔

ان کا کہنا تھا کہ ارکان اسمبلی عدم اعتماد کی حمایت میں قوم کی امنگوں کے مطابق ووٹ دیں گے۔