سب سے زیادہ پسند کیے جانے والے میوزیکل شو کوک اسٹوڈیو کے 14ویں ایڈیشن کا پریمیئر جمعہ (14 جنوری) کو ہوا۔

جس میں کلام "تو جھوم" سیزن کا پہلا ٹریک پہلے ہی انٹرنیٹ پر دھوم مچا چکا ہے کیونکہ شائقین میوزک آئیکونز کی شاندار جوڑی سے محبت کر تے ہیں، جن میں صوفی گلوکارہ عابدہ پروین اور پنجابی فنکار نصیبو لال شامل ہیں۔

پردے کے پیچھے ایک ویڈیو کلپ جو وائیرل ہوئی جس میں عابدہ پروین اور نصیبو لال پرفارمنس سے پہلے ایک دوسرے کو گرمجوشی سے مبارکباد دیتے ہوئے دیکھا جا سکتا ہے جو وائرل ہوگئی ہے۔

وہ لمحہ ہے جب عابدہ پروین سٹوڈیو میں داخل ہوئیں اور نصیبو لال سے حسن سلوک کے ساتھ ملیں، اس مختصر کلپ نے مشہور گلوکاروں کے لاکھوں مداحوں کے دل جیت لیے ہیں۔

اس کے ساتھ اینکر قمبر زیدی نے ایک وڈیو پوسٹ کی انہوں نے عابدہ پروین سے سوال کیا کہ "آپ ریکارڈنگ والے دن نصیبو لال سے اتنی عاجزی اور انکساری سے کیوں ملیں؟"

خیال رہے کہ کلام "تو جھوم" کی انٹرنیٹ پر دیکھنے والوں کی تعداد مزید بڑھتی جارہی ہےجبکہ کوک اسٹوڈیو کے سیزن 14 کا دوسرا گانا 21 جنوری 2022 کو ریلیز ہوگا۔