لاہور سمیت پنجاب کے مختلف شہروں میں مسلسل بارشوں کے باعث وزیر اعلیٰ پنجاب عثمان بزدار نے جلد ازجلد نکاسی آب کا حکم دے دیا۔

وزیراعلیٰ پنجاب عثمان بزدار نے اپنے جاری کردہ بیان میں کہا ہے کہ نکاسی آب کیلئے انتظامیہ اور واساز حکام ہمہ وقت چوکس رہیں، نشیبی علاقوں سے نکاسی آب کیلئے فوری اقدامات کئے جائیں، انتظامیہ اور واساز حکام نکاسی آب کے کام کو کم سے کم وقت میں یقینی بنائیں۔

وزیراعلیٰ پنجاب نے کہا کہ نکاسی آب کیلئے تمام ضروری وسائل بروئے کار لائے جائیں، افسران گرم کمروں میں بیٹھنے کی بجائے باہر نکلیں اور عوام کی مشکلات کا ازالہ کریں۔

عثمان بزدار نے مزیدکہا کہ بارش کے دوران ٹریفک رواں دواں رکھنے کیلئے بھی مؤثر انتظامات کئے جائیں ،میں نکاسی آب کے انتظامات کا خود جائزہ لوں گا۔