Aaj News

جمعہ, مارچ 29, 2024  
18 Ramadan 1445  

ایرانی ساختہ 1ہزار چار سوکلاشنکوف کی یمن اسمگلنگ، امریکا نے ناکام بنا دی

آپریشن کے دوران 1ہزار چار سوکلاشنکوف سمیت 2 لاکھ 26 ہزار گولیاں برآمد کیں جب کہ کشتی میں سوار عملے کا تعلق یمن سے تھا۔
شائع 23 دسمبر 2021 08:06pm
ثبوتوں کے باوجود بھی ایران بھی حوثیوں کو اسلحہ اسمگل کرنے کے الزامات کو مسترد کرچکا ہے۔
ثبوتوں کے باوجود بھی ایران بھی حوثیوں کو اسلحہ اسمگل کرنے کے الزامات کو مسترد کرچکا ہے۔

امریکا نے ایران ٓساختہ اسلحے کی یمن میں اسلحے کی اسمگلنگ کی کوشش ناکام بنادی۔

امریکی نیوی نے ایرانی ساختہ اسلحے کی یمن اسمگلنگ کو ناکام بناتے ہوئے رائفل سمیت دیگر اسلحے سے بھری کشتی پکڑ لی۔

غیرملکی خبر رساں ایجنسی نے بتایا کہ امریکی نیوی پیٹرولنگ نے دوران مچھلیاں پکڑنے والی ایک کشتی کو اپنے قبضے میں لے کر اسلحہ برآمد کرلیا۔

بحیرہ عرب کے شمال میں آپریشن کے دوران 1ہزار چار سوکلاشنکوف سمیت 2 لاکھ 26 ہزار گولیاں برآمد کیں جب کہ کشتی میں سوار عملے کا تعلق یمن سے تھا۔

اسی اثنا میں مغربی ممالک اور اقوام متحدہ کے ماہرین کہہ چکے ہیں کہ ایران قانونی اسلحہ اور ٹیکنالوجی یمن اسمگل کرواتا ہے جس سے خانہ جنگی ختم نہیں ہوپاتی جب کہ خوثیوں کی جانب سے سعودی عرب پر حملوں میں معاونت ہوتی ہے۔

ثبوتوں کے باوجود بھی ایران بھی حوثیوں کو اسلحہ اسمگل کرنے کے الزامات کو مسترد کرچکا ہے۔

اس کے علاوہ ایرانی نیوی نے اپنے جاری کردی بیان میں کہا کہ کشتی اس راستے پر موجود تھی جہاں سے یمنی حوثیوں کو غیرقانونی اسلحہ فراہم کیاجاتا ہے۔

بیان میں مزید کہا گیا کہ حوثیوں کو کسی بھی طرح سے ہتھیار فراہم کرنا اقوام متحدہ کی سکیورٹی کونسل کے خلاف ہے۔

امریکی نیوی کے بحرین میں تعینات بحری بیڑے نے کہا اس سال ڈھائی مربع میل کے علاقےسے 8 ہزار700 غیر قانونی ہتھیارون کو اپنے قبضے میں لیا ہے۔

iran us relations

مشرق وسطیٰ

USA

Comments are closed on this story.

تبصرے

تبولا

Taboola ads will show in this div