Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

وزیراعظم عمران خان سے آرمی چیف جنرل قمر باجوہ اورڈی جی آئی ایس آئی ندیم انجم نے ملاقات کی۔

ملاقات میں ملکی سلامتی اور سیکیورٹی صورتحال پر تفصیلی مشاورت کی۔

بعدازاں سول اور عسکری قیادت نے وزیراعظم ہاؤس میں منعقدہ اہم اجلاس میں بھی شرکت کی۔

ادھر وزیراعظم عمران خان کی زیر صدارت ملک میں مجموعی سیکیورٹی صورتحال بارے جائزہ اجلاس ہوا ہے،اجلاس میں سیالکوٹ میں سری لنکن شہری کے قتل کے ظالمانہ فعل پر شدید تشویش کا اظہار کیا گیا ۔

وزیراعظم کی زیرصدارت اعلیٰ سطح کا اجلاس ہوا۔اجلاس میں پاک فوج کے سالاراعلیٰ جنرل قمر جاوید باجوہ نے بھی شرکت کی۔

اجلاس میں شرکا نے سیالکوٹ واقعے میں ملوث ملزمان کو انصاف کے کٹہرے میں لانے کےعزم کا اظہار کیا۔

اعلامیہ کےمطابق شرکاء نے کہا افراد اور ہجوم کو قانون ہاتھ میں لینے کی اجازت نہیں دی جا سکتی،ایسے واقعات کو برداشت نہیں کیا جا سکتا۔

اجلاس میں فیصلہ کیاگیاایسے واقعات کی روک تھام کے لیےجامع حکمت عملی پر عمل درآمد کیا جائے گا۔ اور تمام مجرموں کو سخت سزائیں دی جائیں گی۔

شرکاء نےحیوانوں کے درمیان موجود درد مند انسان ملک عدنان کی بہادری، جرات اور شجاعت کی بھی تعریف کی۔

شرکاء کا کہناتھا کہ عدنان نے پریانتھا کمارا کو بچانے کے لیے اپنی جان خطرے میں ڈالی۔

اجلاس میں پریانتھا کمارا کےاہلخانہ سےتعزیت کااظہار بھی کیاگیا۔

اہم بیٹھک میں مشیرقومی سلامتی، وزیراعلیٰ پنجاب،وفاقی وزرا سمیت دیگر حکام نے شرکت کی۔