Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

پارلیمانی کمیٹی برائے قومی سلامتی کا ‏اجلاس ہوا۔ اجلاس میں مشیرمعید یوسف نے بریفنگ میں بتایا کہ ملکی تاریخ میں پہلی مرتبہ نیشنل سیکیورٹی پالیسی کا ڈرافٹ تیار کیا گیا ہے۔

اسپیکراسد قیصر کی زیرصدارت پارلیمانی کمیٹی برائے قومی سلامتی کمیٹی کا اجلاس ہوا۔

اجلاس میں اپوزیشن اراکین نے بائیکاٹ کیا تاہم حکومتی اراکین نے بھی عدم دلچسپی کا اظہار کیا ۔

اجلاس سے وزیر خارجہ ، وزیر دفاع ، وزیر ریلوے ، وزیر ہاوسنگ اور وزیر منصوبہ بندی سمیت دیگر وزرا اجلاس سے غیر حاضر رہے۔

اجلاس میں مشیر قومی سلامتی معید یوسف نے بریفنگ دیتے ہوے بتایا کہ قومی سلامتی پالیسی کا مسودے وفاقی کابینہ اور پارلیمنٹ میں پیش کیا جائے گا ۔

مسودے میں ملک کی معیشت ، ملٹری ، خارجہ ، معاشی ، فوڈ اور آبی سیکیورٹی شامل ہے ، آبادی میں اضافہ ، دہشت گردی ، مسئلہ کشمیر و افغانستان اور خطے کے دیگرممالک سے تعلقات بھی شامل ہیں۔

اجلاس میں وزیر مملکت علی محمد خان نے کہا کہ اپوزیشن کو قومی سلامتی کے امور پر سیاست نہیں کرنی چاہیے، قومی سلامتی ہم سب کا مشترکہ مسئلہ ہے ۔

اجلاس کے بعد وزیرداخلہ شیخ رشید نے میڈیا سے گفتگو کرتے ہوے کہا کہ پارلیمانی کمیٹی برائے قومی سلامتی کمیٹی کے اجلاس میں اپوزیشن نے شرکت نہیں کی انکو کل کے الیکشن سے سبق سیکھنا چاہیئے۔

ایم کیو ایم کے رہنما خالد مقبول صدیقی سے اپوزیشن کی جانب سے قومی سلامتی کمیٹی اجلاس میں بائیکاٹ سے متعلق سوال پر کہنا تھا کہ اپوزیشن کے سیکیورٹی خدشات ہو سکتے ہیں ۔