Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

اسلام آباد:وزیراعظم عمران خان کا کہنا ہے کہ زندگی میں پیش آنے والی مشکلات بہت کچھ سکھاتی ہیں، انا انسان کوتباہ کردیتی ہے،مرنے کا ڈر مافیاز سے مقابلہ کرنے سے روکتا ہے،مافیازکی وجہ سے لوگ سیاست میں آنے سے ڈرتے ہیں،مذہب کے معاملے پر کسی سے زبردستی نہیں کی جا سکتی اور اسلام بھی ہمیں یہی سکھاتا ہے۔

ممتاز صوفی دانشور شیخ حمزہ یوسف کے ساتھ سوشل میڈیا پر خصوصی انٹرویو میں وزیراعظم عمران خان کا کہنا تھا کہ میں نے 2دہائی تک دنیا بھر میں کھیلوں میں حصہ لیا، میں نے بہت سی کامیابیاں سمیٹیں اور دھچکے بھی لگے، زیادہ تر کھلاڑی اپنی تعلیم مکمل نہیں کرپاتے لیکن میں نے تعلیمی میدان میں بھی کامیابیاں سمیٹیں۔

وزیراعظم کا کہنا تھا کہ انا انسان کوتباہ کردیتی ہے،کامیابی اور عزت صرف اللہ تعالیٰ کی طرف سے ہے ،ہرکسی کو ایمان کی دولت نصیب نہیں ہوتی،مذہب کے معاملے پر کسی سے زبردستی نہیں کی جا سکتی اور اسلام بھی ہمیں یہی سکھاتا ہے۔

عمران خان کا کہنا تھا کہ 20سال میں مجھے بہت سے دھچکوں کا سامنا کرنا پڑا،زندگی میں پیش آنے والی مشکلات بہت کچھ سکھاتی ہیں، مافیازکی وجہ سے لوگ سیاست میں آنے سے ڈرتے ہیں، جب میں نے سیاست شروع کی تو بڑے بڑے مافیا موجود تھے، لوگوں کو سمجھایا کہ ہم نے ان کا مقابلہ کرنا ہے، مرنے کا ڈر مافیاز سے مقابلہ کرنے سے روکتا ہے۔

وزیراعظم عمران خان نے مزید کہا کہ فلاحی ریاست کا قیام چاہتے ہیں، جہاں معاشرے کے غریب اور پسماندہ طبقے کا خیال رکھا جائے اور دوسرا قانون کی حکمرانی ہے۔

وزیراعظم نے ملک کو ریاست مدینہ کے تصور پر مبنی فلاحی مملکت بنانے کی خواہش کا اعادہ کرتے ہوئے کہا کہ طاقتور لوگوں نے میری کردار کشی کی،میری تضحیک کیلئے جھوٹی خبریں پھیلائی گئیں ،صرف چند سیاستدان انسانیت کی فلاح و بہبود کے خصوصی اہداف کے ساتھ آتے ہیں۔