Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,284,189 303
DEATHS 28,709 5
Sindh 475,248 Cases
Punjab 442,950 Cases
Balochistan 33,479 Cases
Islamabad 107,626 Cases
KP 179,928 Cases

بھارتی نیوی کمانڈر سمیت 5 افسران آبدوز سے متعلق خفیہ معلومات چرانے پر گرفتار

27 اکتوبر 2021
روسی اکولا کلاس اسٹیلتھ سب میرین (تصویر: ایشیا ٹائمز/ہینڈآؤٹس)
روسی اکولا کلاس اسٹیلتھ سب میرین (تصویر: ایشیا ٹائمز/ہینڈآؤٹس)

بھارت میں ایک حاضر سروس نیوی کمانڈر اور4 سابق افسران کو روسی ساختہ آبدوز سے متعلق خفیہ اور حساس معلومات چرانے کے الزام میں حراست میں لیا گیا ہے۔

بھارتی میڈیا کے مطابق سینٹرل بیورو آف انویسٹی گیشن نے ایک چھاپہ مار کارروائی میں نیوی کے حاضر سروس کمانڈر اور دو سابق افسران کو گرفتار کیا ہے، تاہم ان کے نام ظاہر نہیں کیے گئے ہیں۔

ان افسران کو بھارتی بحریہ کی اہم ترین آبدوز سے متعلق خفیہ معلومات چرانے کے الزام میں گرفتار کیا گیا ہے، تاہم اب تک ان معلومات کے کسی غیر ملک کو فروخت کرنے کے شواہد نہیں ملے ہیں۔

بھارتی بحریہ کی جانب سے جاری بیان میں کہا گیا ہے کہ آبدوز کی انتظامی اور ٹیکنیکل معلومات کے چوری ہونے کی تحقیقات جاری ہیں۔

دوسری جانب این ڈی ٹی وی نے بھارتی بحریہ کے ذرائع سے دعویٰ کیا ہے کہ انڈین نیوی کے وائس ایڈمرل اور ریئر ایڈمرل سے بھی خفیہ معلومات کی چوری کے حوالے سے سی بی آئی نے پوچھ گچھ کی ہے۔

واضح رہے کہ بھارت کے پاس اس وقت کلو کلاس قسم کی 10 آبدوزیں ہیں جب کہ 15 روایتی آبدوزیں جن میں سے 2 جوہری صلاحیتوں کی حامل ہیں۔