Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,284,189 303
DEATHS 28,709 5
Sindh 475,248 Cases
Punjab 442,950 Cases
Balochistan 33,479 Cases
Islamabad 107,626 Cases
KP 179,928 Cases

وزیراعظم عمران خان نےپاکستان اور چین کےدرمیان سدا بہار تزویراتی تعاون پر مبنی شراکت داری کومزید فروغ دینے کےلئے اعلی سطح کے وفود کے تبادلوں کا سلسلہ جاری رکھنے پر زور دیا ہے۔

وزیر اعظم عمران خان اور چین کے صدر شی جن پنگ کے درمیان ٹیلیفونک رابطہ ہوا.

دونوں رہنماؤں نے چین پاکستان آزادانہ تجارت کے معاہدے کے دوسرے مرحلے کے تحت حامل مواقع سے مکمل استفادہ کرنے سمیت دوطرفہ اقتصادی اور تجارتی تعلقات کو مزید مستحکم بنانے پر اتفاق کیا۔

دونوں رہنماوں نےمتعلقہ شعبوں میں پاکستان چین تعاون کومستحکم بنانے اور ایک خطہ ایک سڑک منصوبے کے اعلیٰ معیار کے عملی مظاہرے کے طورپر چین پاکستان اقتصادی راہداری کی ماحول دوست ترقی کو فروغ دینے پر بھی اتفاق کیا۔

وزیراعظم نے چین پاکستان اقتصادی راہداری منصوبوں پر کامیاب، بروقت اور معیاری عملدرآمد کو سراہا اور اقتصادی راہداری کے خصوصی اقتصادی زونز میں چین کی سرمایہ کاری کا خیر مقدم کیا۔

انہوں نے اس بات پر زور دیا کہ ایم ایل ون ریلوے منصوبے پر کام کا جلد آغاز قومی و علاقائی ترقی کےلئے پاکستان کے جغرافیائی معاشی نصب العین کا عکاس ہوگا۔

عمران خان نے چین کی طرف سے پاکستان کو ویکسین کی فراہمی سمیت کورونا وائرس کی عالمی وباء پر کامیابی سے قابو پانے اور ترقی پذیر ملکوں کےلئے امدادی اقدامات کو سراہا۔

دونوں رہنماؤں نے افغانستان کی صورتحال پر بھی تبادلہ خیال کیا اور عالمی برادری پر زوردیا کہ افغان عوام کو فوری انسانی اور معاشی امداد فراہم کرے۔

ریڈیو پاکستان