Aaj News

جمعرات, مارچ 28, 2024  
17 Ramadan 1445  

'حالات جس طرف جارہے ہیں عمران خان کو بھاگنے تک کی جگہ نہیں ملے گی'

معروف گلوکار اور برابری پارٹی کے سربراہ جواد احمد نے کہا ہے کہ...
شائع 25 اکتوبر 2021 07:33pm

معروف گلوکار اور برابری پارٹی کے سربراہ جواد احمد نے کہا ہے کہ وزیر اعظم عمران خان ڈرپوک انسان ہیں ایک ادارے کے پیچھے چھپے ہوئی ہیں، انہوں نے خدشہ ظاہر کیا کہ ملک تیزی سے خانہ جنگی کی طرف بڑھ رہا ہے۔ ملک بدترین بحرانوں کی زد میں ہے ۔

کراچی پریس کلب میں نیوز کانفرنس کے دوران جواد احمد نے کہا کہ ملک میں بے غیرتی اور خوشامد کا ماحول ہے، سرمایہ دار اور جاگیردار خود کچھ نہیں کرتے۔

جواد احمد نے کہا کہ پاکستان میں سیاست کرنا آسان نہیں, زرداری، نواز شریف اور عمران خان کو قریب سے دیکھا ہے، وزیر اعظم بننا عمران خان کی خواہش تھی۔

انہوں نے کہا کہ تبدیلی کا نعرہ لگانے والے وزیر اعظم کے بچے بھی لندن میں رہتے ہیں، سارے مافیاز پارلیمان میں بیٹھے ہیں۔

سربراہ برابری پارٹی نےکہا کہ حالات جس طرف جارہے ہیں عمران خان کو بھاگنے تک کی جگہ نہیں ملے گی۔ جب تک ملک میں برابری اور مساوات قائم نہیں ہوتی کسی بھی تبدیلی دعویٰ جھوٹ کے سوا کچھ نہیں ۔

Comments are closed on this story.

تبصرے

تبولا

Taboola ads will show in this div