دنیا کی امیر ترین شخصیات کی فہرست میں موجود مائیکروسوفٹ کے بانی بل گیٹس بھی پاکستانی پولیو ورکر کی بیماری کیخلاف جدوجہد سے متاثر ہوگئے ہیں اور انہوں نے پاکستانی پولیو ورکر شمائلہ رحمانی کی خدمات کے اعتراف میں ان کی ویڈیو بھی اپنی انسٹا آئی ڈی پر شیئر کی ہے۔

بل گیٹس نے ویڈیو شیئر کرتے ہوئے کیپشن میں لکھا کہ شمائلہ رحمانی پاکستان میں پولیو ورکر ہیں اور وہ اپنی کمیونٹی کے ہر بچے کو پولیو سے بچاو یقینی بنانے کیلئے جدوجہد میں مصروف ہیں ۔

ویڈیو میں دکھایا گیا ہے کہ شمائلہ رحمانی بچوں کو پولیو پلانے کیلئے بیگ اٹھائے ہوئے مختلف علاقوں کا دورہ کررہی ہیں اور وہاں پر ایسے بچوں کو پولیو کے قطرے پلارہی ہیں جن کی ویکسی نیشن نہیں ہوئی ہے ۔

ویڈیو میں شمائلہ رحمانی کو ماووں کی رہنمائی کرتے ہوئے دکھا گیا ہے کس طرح پولیو ویکسین کے ذریعے وہ اپنے بچوں کو زندگی بھر کی معذوری سے بچاسکتی ہیں ۔

بل گیٹس کی جانب سے شیئر کی جانیوالی ویڈیو میں شمائلہ نے پولیو ویکسی نیشن مہم کے دوران درپیش مسائل سے بھی آگاہ کیا۔

View this post on Instagram

A post shared by Bill Gates (@thisisbillgates)