Aaj News

منگل, مارچ 19, 2024  
08 Ramadan 1445  

عظمیٰ بخاری نے نوجوان کو تھپڑ جڑ دیا، ویڈیو وائرل

فیصل آباد میں پاکستان ڈیموکریٹک موومنٹ (پی ڈی ایم ) کے جلسے میں...
شائع 18 اکتوبر 2021 10:49am

فیصل آباد میں پاکستان ڈیموکریٹک موومنٹ (پی ڈی ایم ) کے جلسے میں شریک مسلم لیگ (ن) کی رہنما عظمیٰ بخاری نے ایک نوجوان کو تھپڑ جڑ دیا۔

فیصل آباد میں پی ڈی ایم کے جلسے میں شرکت کے لیے مسلم لیگ (ن) کی نائب صدر مریم نواز کے ساتھ پنجاب کی لیگی ترجمان عظمیٰ بخاری، ثانیہ عاشق اور دیگر ساتھی بھی ان کی گاڑی میں تھیں، جلسہ گاہ کے وی آئی پی گیٹ سے مریم نواز کو تو اندر جانے دیا گیا تاہم سکیورٹی پر مامور لوگوں نے دیگر خواتین کو وہیں روک لیا۔

اس دوران گاڑی سے نکلتے ہوئے عظمیٰ بخاری کے قریب آنے والے ایک نوجوان کو لیگی رہنما نے غصے میں آکر تھپڑ مارا اور اس کے بازو پر لگا بیج بھی اتار دیا۔

واقعہ پر ردعمل دیتے ہوئے عظمیٰ بخاری نے کہا کہ ایک شخص قریب آرہا تھا، اسے منع کیا کہ قریب نہ آؤ وہ باز نہ آیا تو اسے تھپڑ مارا۔

خیال رہے کہ گزشتہ روز پی ڈی ایم نے فیصل آباد کے تاریخی دھوبی گھاٹ میں جلسہ کیا تھا جس سے مولانا فضل الرحمان سمیت مختلف سیاسی رہنماؤں نے خطاب کیا تھا۔

Viral Video

uzma bukhari

Comments are closed on this story.

تبصرے

تبولا

Taboola ads will show in this div