Aaj News

جمعرات, مارچ 28, 2024  
17 Ramadan 1445  

دورہ پاکستان منسوخ کرنے پر چیئرمین انگلینڈ کرکٹ بورڈ نے معافی مانگ لی

لندن :انگلینڈ کرکٹ ٹیم کا دورہ پاکستان منسوخ کرنے پرانگلش کرکٹ...
شائع 29 ستمبر 2021 12:38pm

لندن :انگلینڈ کرکٹ ٹیم کا دورہ پاکستان منسوخ کرنے پرانگلش کرکٹ بورڈ (ای سی بی)کے چیئرمین نے معافی مانگ لی۔

انگلینڈ اینڈ ویلز کرکٹ بورڈ کے چئیرمین این وٹمور نے اپنے جاری کردہ بیان میں کہا ہے کہ جانتے ہیں دورہ منسوخ کرنےپربہت لوگوں کوتکلیف پہنچی جس پرمعذرت خواہ ہیں،دورہ منسوخ کرنےکا فیصلہ انگلینڈ کرکٹ بورڈ کا تھاجس میں کھلاڑیوں سےمشاورت نہیں کی گئی۔

چیئرمین این واٹمور نے مزید کہا کہ بورڈ نے جو فیصلہ کیا وہ بہت مشکل تھا، فیصلہ کھلاڑیوں کی ذہنی صحت کو مد نظر رکھتے ہوئے کیا گیا،میں تفصیلات میں نہیں جاؤں گا سیکیورٹی اور ویلفئیر کی ایڈوائس پر فیصلہ کیا گیا تھا۔

انگلینڈ اینڈ ویلز کرکٹ بورڈ کے چئیرمین این وٹمور نے مزید کہا کہ ورلڈ کپ اور نیوزی لینڈ کے پاکستان سے جانے کے بعد فیصلہ جلد کیا گیا تھا،فیصلے کی بنیادی وجہ کھلاڑیوں کی ویلفئیرہی تھی مگر اب ہم نے پاکستان کے ساتھ تعلقات نئے سرے سے بنانے ہیں۔

انگلینڈ اینڈ ویلز کرکٹ بورڈ کے چئیرمین کا تھا کہ ہمیں 2022 کے دورے کے حوالے سے دوبارہ فوکس کرنا پڑے گا، ہم پاکستان کے مشکور ہیں کہ وہ گزشتہ برس انگلینڈ آئےاگلے سال شیڈول ٹور کے حوالے سے جو ہو سکا ہم کریں گے۔

فواد چوہدری کا انگلش کرکٹ بورڈ کی پاکستان سے معذرت پر رد عمل

دوسری جانب وفاقی وزیر وزیراطلاعات ونشریات فواد چوہدری کا انگلش کرکٹ بورڈ کی پاکستان سے معذرت پر رد عمل سامنے آگیا۔

وفاقی وزیراطلاعات فواد چوہدری نے سماجی رابطے کی ویب سائٹ ٹوئٹر پر اپنے ٹویٹ میں کہاکہ انگلش کرکٹ بورڈ کی معذرت اور پاکستان کے دورے کا اعلان ہمارے مؤقف کی بڑی کامیابی ہے، کرکٹ کے کھلاڑیوں، سفارت کاروں، انٹرنیشنل میڈیا اور ان تمام لوگوں کا شکریہ جنہوں نے اس معاملے پرپاکستان کا ساتھ دیا۔

وفاقی وزیر فواد چوہدری نے مزید کہا کہ پاکستان کی کرکٹ کیخلاف ایک اور سازش ناکام ہوئی ہے۔

london

england cricket board

appologise

Ian Watmore

Comments are closed on this story.

تبصرے

تبولا

Taboola ads will show in this div