Aaj TV News

BR100 4,761 Increased By ▲ 45 (0.95%)
BR30 20,776 Decreased By ▼ -64 (-0.31%)
KSE100 45,660 Increased By ▲ 161 (0.35%)
KSE30 17,920 Increased By ▲ 96 (0.54%)
COVID-19 TOTAL DAILY
CASES 1,266,826 622
DEATHS 28,328 16
Sindh 466,750 Cases
Punjab 438,433 Cases
Balochistan 33,149 Cases
Islamabad 106,571 Cases
KP 177,132 Cases

کراچی :چیف جسٹس گلزار احمد نے کراچی میں حالت زار سے متعلق کیس میں برہمی کا اظہار کرتےہوئے ریمارکس دیئے کہ’شیم آن سندھ گورنمنٹ ‘،پورے کراچی کو کچرا بنادیا ہے جا کر دیکھیں، آپ لوگوں نے سیاست کی نذر کردیا شہر کو ، سڑکیں اور فٹ پاتھ تباہ ہیں، گٹر ابل رہے ہیں، تھوڑی سی بارش میں شہر ڈوب جاتا ہے، غیر قانونی عمارتیں ہیں سب کچھ غیر قانونی ہے ۔

سپریم کورٹ کراچی رجسٹری میں کراچی میں صفائی ستھرائی اور دیگر بنیادی چیزوں کی تباہ حالی سے متعلق چیف جسٹس سپریم کورٹ جسٹس گلزار احمد نے ایڈووکیٹ جنرل پر اظہار برہمی کرتے ہوئے کہاکہ جاکر دیکھیں پورے کراچی کو کچرا بنادیا ہے، کیا یہ کراچی ہے؟ آپ لوگوں نے سیاست کی نذر کردیا ہے شہر کو۔

چیف جسٹس نے ریمارکس دیئے کہ حکمرانی کرنے والے جانتے ہی نہیں شہر کو کیسے چلایا جاتا ہے ، سڑکیں، فٹ پاتھ تباہ ہیں، کوئی سبزہ نہیں، گٹر ابل رہے ہیں، تھوڑی سی بارش میں شہر ڈوب جاتا ہے، اس طرح سے شہر چلاتے ہیں ۔

جسٹس گلزار احمد نے مزیدریمارکس دیئے کہ غیر قانونی عمارتیں ہیں سب کچھ غیر قانونی، یہ ہے سندھ حکومت،کھربوں روپے کا بجٹ ہے کہتے ہیں پیسے نہیں ہیں، دنیا بھر سے قرض لیتے ہیں کہاں جاتا ہے یہ پیسہ ؟؟ شہر میں ایک پیسے کا کام نہیں ہوا ۔

چیف جسٹس نے ایڈووکیٹ جنرل سے کہا کہ دوسرے صوبوں کو بھی دیکھیں جاکر دیکھ لیں ، آپ شہریوں کو سزا دے رہے ہیں، شیم آن سندھ گورنمنٹ ، شیم آن ۔

جسٹس گلزار احمد نے مزیدکہا کہ آپ سیاسی جھگڑوں کیلئے حکومت میں نہیں آتے، لوگوں کو سروس دیں۔