چڑیا گھر اور سفاری پارک میں رکھے گئے چار ہاتھیوں کی حالت زارسےمتعلق جرمن ڈاکٹر سے ہاتھیوں کا طبی معائنہ کرانے کی درخواست منظور کرلی گئی۔

سندھ ہائیکورٹ میں چڑیا گھر اور سفاری پارک میں رکھےگئے ہاتھیوں کی حالت زار سےمتعلق درخواست کی سماعت ہوئی جہاں جرمن ڈاکٹر سے ہاتھیوں کا طبی معائنہ کرانے کی درخواست منظور کرتے ہوئےعدالت نے ہاتھیوں کی جرمن ڈاکٹر فرینک وڈ سے طبی معائنے کی اجازت دے دی۔

عدالت نے 50 فیصد اخراجات کے ایم سی، 50 فیصد درخواست گزار کو ادا کرنے کا حکم دیا۔

عدالت نے ہاتھیوں کے طبی معائنے سے متعلق رپورٹ 27 اکتوبر تک طلب کی۔

درخواست گزار کےو کیل کاکہناہے کہ چاروں ہاتھیوں کی صحت توجہ طلب ہے۔ڈاکٹر فرینک وڈ سے طبی معائنہ کرایا جائے۔

جبکہ ڈاکٹر فرینک وڈ سے معائنہ کرانے کی درخواست پر کے ایم سی کے وکیل نے اعتراض کرتے ہوئے کہاانہوں نے ملک مخالف بیان دیا۔

درخواست گزار کےوکیل کاکہناتھاکہ کے ایم سی جس بیان پر ناراض ہے۔اس کا ملکی سالمیت سے کوئی تعلق نہیں، ڈاکٹر فرینک وڈ کی فیس لگ بھگ 17 ہزار ڈالرز ہے۔