Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,367,605 7,586
DEATHS 29,097 20
Sindh 523,774 Cases
Punjab 462,323 Cases
Balochistan 33,910 Cases
Islamabad 117,436 Cases
KP 184,455 Cases

اسلام آباد:وفاقی وزیرداخلہ شیخ رشید کا کہنا ہے کہ کسی کو امید نہیں تھی کہ طالبان افغانستان پر اتنی جلدی قبضہ کرلیں گے،امید ہے افغان سرزمین پاکستان کیخلاف استعمال نہیں ہوگی۔

وفاقی وزیر داخلہ شیخ رشید نے طورخم سرحد کا دورہ کیا، شیخ رشید نے طورخم میں انتظامات کا جائزہ لیا۔

بعدازاں میڈیا سے سے گفتگو کرتے ہوئے وزیرداخلہ شیخ رشید کا کہنا تھا کہ اس خطے میں تبدیلی آنے والی ہے، یہ خطہ اہم ہونے والا ہے اور ہوسکتا ہے کہ ایک نیا بلاک بھی بن جائے، ہندوستان کو بڑی شکست ہوئی ہے، ہم اس خطے میں اہم کردار ادا کریں گے، افغانستان کا استحکام ہمارا استحکام اور اس کی ترقی ہماری ترقی ہے، حالات بہتر ہوں گے تو ہر طرف بہتری ہوگی۔

وزیرداخلہ کا کہنا تھا کہ دنیا کی سیاست ہل کررہ گئی ہے کسی کو امید نہیں طالبان اتنی جلدی قبضہ کرلیں گے، دنیا افغانستان کے مسئلے کو سمجھے، بھارت کس منہ سے پروپیگنڈا کررہاہے، ڈی جی آئی ایس آئی کے افغان دورے پر بھارتی میڈیا واویلا کررہا ہے، کیا امریکا، برطانیہ اور دیگر ممالک کے لوگ افغانستان نہیں گئے، جو عالمی حالات کے تناظر میں ہم پردباؤ ڈالناچاہتے ہیں ہم جلد اس سے نکل آئیں گے۔

شیخ رشید نےمزید کہا کہ پاکستان نے افغانستان میں امن کیلئے کلیدی کردار ادا کیا، ہم نے افغانستان سے 10 ہزار افراد کا انخلا کیا، کوئی بھی افغان مہاجر پاکستان نہیں آیا ، سرحد کی دوسری طرف کی ذمہ داری افغانستان کی ہے، توقع کرتے ہیں افغان سرزمین پاکستان کخلانف استعمال نہیں ہوگی۔

مستونگ دھماکے کے حوالے سے وزیرداخلہ کا کہنا تھا کہ آج مستونگ میں خودکش حملہ ہوا ہے، دھماکے میں3افراد کے جاں بحق ہونے کی اطلاع ہے، جس وقت جوانوں کی شفٹ تبدیل ہوئی اس وقت دھماکا ہوا، کوئٹہ میں کافی دنوں سے دہشتگردی کے واقعات ہورہے ہیں، دھماکے سے متعلق تحقیقات کررہے ہیں۔