Aaj News

جمعہ, مارچ 29, 2024  
18 Ramadan 1445  

آرمی چیف جنرل قمر جاوید باجوہ کا سید علی گیلانی کے انتقال پر اظہار افسوس

راولپنڈی:آرمی چیف جنرل قمر جاوید باجوہ نے سینئر کشمیری حریت...
شائع 02 ستمبر 2021 09:29am

راولپنڈی:آرمی چیف جنرل قمر جاوید باجوہ نے سینئر کشمیری حریت رہنما ءسید علی گیلانی کے انتقال پر افسوس کااظہار کیا ہے ۔

پاک فوج کے شعبہ تعلقات عامہ (آئی ایس پی آر )کے مطابق آرمی چیف جنرل قمر جاوید باجوہ نے سینئر کشمیری حریت رہنما ءسید علی گیلانی کے انتقال پر اظہار افسوس کرتے ہوئے کہا ہے کہ کشمیر کی تحریک آزادی کے سرکردہ رہنما ءسید علی گیلانی کی قربانیاں اور جدوجہد کشمیریوں کے بھارتی قبضے کیخلاف ناقابل تسخیر عزم کی علامت ہے۔

آئی ایس پی آر کے مطابق آرمی چیف جنرل قمر جاوید باجوہ کا کہنا تھا کہ سید علی گیلانی کا خواب اور ان کا مشن تب تک زندہ رہے گا جب تک کہ مقبوضہ کشمیر کے لوگ اپنا حق خود ارادیت حاصل نہیں کر لیتے۔

واضح رہے کہ وزیراعظم عمران خان نے سید علی گیلانی کے انتقال پر ایک روزہ سوگ اور پرچم سرنگوں رکھنے کا بھی اعلان کیا ہے۔

کشمیر میڈیا سروس کے مطابق 92 سالہ کشمیری رہنما ءسید علی گیلانی کا انتقال بدھ کی رات کو سری نگر میں ہوا، سید علی گیلانی طویل عرصے سے بیمار تھے۔

ISPR

COAS

death

Syed Ali Gilani

condemns

Hurriyat leader

Army Chief General Qamar Javed Bajwa

Comments are closed on this story.

تبصرے

تبولا

Taboola ads will show in this div