Aaj TV News

BR100 4,665 Increased By ▲ 5 (0.1%)
BR30 18,674 Decreased By ▼ -130 (-0.69%)
KSE100 45,072 Decreased By ▼ -258 (-0.57%)
KSE30 17,430 Decreased By ▼ -121 (-0.69%)
COVID-19 TOTAL DAILY
CASES 1,284,840 475
DEATHS 28,728 10
Sindh 475,616 Cases
Punjab 443,094 Cases
Balochistan 33,479 Cases
Islamabad 107,689 Cases
KP 179,995 Cases

اسلام آباد:وزیر اعظم عمران خان کا کہنا ہے کہ نوجوانوں کی صلاحیتوں کو اجاگر کرنے کیلئے جدید علوم میں اعلیٰ تعلیم کلیدی حیثیت رکھتی ہے، حکومت اعلیٰ تعلیم کے فروغ کیلئے ہر ممکن مدد فراہم کرے گی۔

وزیر اعظم عمران خان کی زیر صدارت ملک میں اعلیٰ تعلیم کے فروغ کے حوالے سے جائزہ اجلاس ہوا جس میں وفاقی وزراء اسد عمر، فواد حسین، اور شفقت محمود نے شرکت کی۔

اس کے علاوہ معاون خصوصی ڈاکٹر شہباز گل، چیئرمین وزیراعظم ٹاسک فورس برائے سائنس و ٹیکنالوجی ڈاکٹر عطا الرحمٰن، ڈپٹی چیئرمین منصوبہ بندی کمیشن اور سینئر افسران بھی اجلاس میں شریک ہوئے۔

اجلاس کو سیالکوٹ انجینئرنگ یونیورسٹی کے قیام پر پیش رفت سے آگاہ کیا گیا۔

اجلاس کو بریفنگ دی گئی کہ 16.69 ارب روپے مالیت کے منصوبے کیلئے ایکنیک منظوری دے چکی ہے، سیالکوٹ انجینئرنگ یونیورسٹی وفاق اور حکومت پنجاب مشترکہ طور پر قائم کرے گی جس کے لیے آدھی رقم اور زمین حکومت پنجاب مہیا کرے گی۔

بریفنگ میں بتایا گیا کہ آٹھویں، نہم اور دہم جماعتوں کے نصاب میں سیرت النبیﷺ کی تعلیمات شامل کی جا رہی ہیں، ان جماعتوں کیلئے نئے نصاب کا اجراء جلد کر دیا جائے گا۔

وزیر اعظم عمران خان نے کہا کہ نوجوانوں کی صلاحیتوں کو اجاگر کرنے کیلئے جدید علوم میں اعلیٰ تعلیم کلیدی حیثیت رکھتی ہے، حکومت اس پہلو پر بھرپور توجہ دے رہی ہے۔

وزیر اعظم نے مزید کہا کہ وفاقی حکومت اعلیٰ تعلیم کے فروغ کیلئے ہر ممکن مدد فراہم کرے گی۔