Aaj TV News

BR100 4,687 Decreased By ▼ -28 (-0.59%)
BR30 18,641 Decreased By ▼ -617 (-3.2%)
KSE100 45,612 Decreased By ▼ -151 (-0.33%)
KSE30 17,942 Decreased By ▼ -56 (-0.31%)
COVID-19 TOTAL DAILY
CASES 1,328,487 4,340
DEATHS 29,019 7
Sindh 502,500 Cases
Punjab 453,392 Cases
Balochistan 33,705 Cases
Islamabad 111,376 Cases
KP 182,311 Cases

افغان طالبان کے ترجمان ذبیح اللہ مجاہد نے واضح کیا ہے کہ پاکستان ہمارا دوسرا گھر ہے، اس کے خلاف اپنی سرزمین استعمال نہیں ہونے دیں گے۔

نجی ٹی وی سے گفتگو میں ذبیح اللہ مجاہد نے کہا کہ پاکستان کےخلاف روسی دور سے پروپیگنڈا ہو رہا ہے۔ کابل اپنے زورِ بازو سے فتح کیا، پاکستان کا اس میں کوئی کردار نہیں ہے۔

انہوں نے کہا کہ امارات اسلامی کا افغانستان کے تمام علاقوں پر قبضہ ہے، طالبان نے افغانستان کے تمام علاقوں میں امن قائم کیا ہے۔

ذبیح اللہ مجاہد نے کہا کہ ہمیں بڑی تعداد میں افغانوں کی حمایت حاصل ہے، ہم ایسی حکومت بنائیں گے جس میں تمام افغان شامل ہوں۔

ان کا کہنا تھا کہ زراعت اور تجارت سے ملک کی معیشت بہتر کی جائے گی۔

خیال رہے کہ چند روز قبل افغان طالبان نے کالعدم تحریک طالبان پاکستان (ٹی ٹی پی) کو پاکستان میں کارروائیاں روکنے کا حکم دیا تھا۔

امریکی خبر رساں ادارے وائس آف امریکہ کی رپورٹ کے مطابق افغان طالبان کے سربراہ ملا ہیبت اللہ نے پاکستانی شکایات پر تین رکنی کمیشن بنایا ہے۔

رپورٹ کے مطابق کمیشن نے کالعدم ٹی ٹی پی کو خبردار کیا تھا کہ وہ پاکستان سے معاملات حل کریں، کالعدم ٹی ٹی پی کے ارکان عام معافی کے بدلے ہتھیار ڈالیں اور پاکستان چلے جائیں۔