Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

طالبان کے افغانستان پر قابض ہونے کے بعد خوف میں مبتلا افغان شہری ملک سے فرار ہونے کیلئے کوئی بھی قیمت ادا کرنے کو تیار ہیں، چاہے وہ قیمت ان کی جان ہی کیوں نہ ہو۔

15 اگست کو افغانستان کی صورت حال نے اچانک ایڑھیوں کے بل یوٹرن لیا اور دیکھتے ہی دیکھتے کابل طالبان کے ہاتھوں میں چلا گیا۔

جب افغان صدر اشرف غنی، ملک کے آرمی چیف اور دیگر سیاسی کریم اپنی جان کی امان کیلئے عوام کو طالبان کے رحم و کرم پر چھوڑ کر ملک سے فرار ہوئے تو عوام نے بھی ملک چھوڑنے میں عافیت جانی۔

کابل ائیرپورٹ واحد ذریعہ تھا جہاں سے راہ فرار اختیار کی جاسکتی تھی۔ عوام جوق در جوق کابل ائیر پورٹ پہنچنا شروع ہوئے، یہاں تک کہ رن وے پر بھی عوام کی بھیڑ جمع ہوگئی۔

نوبت تک یہاں تک آگئی کہ لوگ اپنی جان کی پراوہ کئے بنا رن وے پر موجود ٹیک آف کیلئے تیار امریکی طیارے پر چڑھ دوڑے۔ جس کے بعد پیش آنے والے مناظر نے دنیا کو ہلا ڈالا۔ جس نے بھی ان مناظر کو دیکھا اس کا دل کرب میں مبتلا ہوگیا۔

یہ تصویر گزشتہ رات کابل سے روانہ ہونے والے امریکی فوجی طیارے کی ہے جو 150 افراد کی گنجائش رکھتا، تاہم، اس طیارے نے 640 افراد کے ساتھ ٹیک آف کیا۔

یہ دردناک مناظر امریکی سی 17 طیارے کے ہیں جس کے لینڈنگ گیئر میں ایک افغان شہری فرار کی کوشش میں پھنس کر اپنی جان گنوا بیٹھا۔

یہ ویڈیو انتہائی مایوس کن اور واقعی خوفناک ہے۔ ویڈیو میں دیکھا جاسکتا ہے کہ ٹیک آف کرتے ہوائی جہاز سے فرار کی کوشش میں گر رہے ہیں۔