Aaj TV News

BR100 4,617 Increased By ▲ 7 (0.15%)
BR30 17,726 Increased By ▲ 106 (0.6%)
KSE100 45,083 Increased By ▲ 128 (0.28%)
KSE30 17,828 Increased By ▲ 90 (0.51%)
COVID-19 TOTAL DAILY
CASES 1,393,887 7,539
DEATHS 29,162 25
Sindh 533,496 Cases
Punjab 469,540 Cases
Balochistan 34,131 Cases
Islamabad 122,098 Cases
KP 187,983 Cases

طالبان نے افغان صدر اشرف غنی کے آبائی صوبے لوگر کا کنٹرول سنبھال لیا ہے۔ تازہ ترین اطلاعات کے مطابق طالبان نے زاہل کے صوبائی دارالحکومت قلات پر بھی قبضہ کرلیا ہے۔

واضح رہے کہ افغانستان کا صوبہ لوگر دارالحکومت کابل سے صرف 87 کلو میٹر کی دوری پر واقع ہے۔

افغان ذرائع ابلاغ کے مطابق طالبان نے لوگر کے مرکزی شہر پل علمی میں داخل ہونے کے بعد گورنر ہاؤس اور پولیس ہیڈ کوارٹر کا انتظام بھی سنبھال لیا ہے۔

میڈیا رپورٹس کے مطابق افغان طالبان نے غور پر کنٹرول حاصل کرنے کا بھی دعویٰ کیا ہے جب کہ ارزگان میں شدید جھڑپیں جاری ہیں۔

طالبان اس سے قبل ہلمند کے دارالحکومت لشکرگاہ پر بھی قبضہ کر چکے ہیں۔ عالمی ذرائع ابلاغ کے مطابق طالبان کے قبضے کے بعد افغان فوج کے اہلکار ہیلی کاپٹر کے ذریعے لشکر گاہ سے نکل گئے ہیں جب کہ افغان فورسز کے 200 اہلکاروں نے ہتھیار بھی ڈال دیے ہیں۔

افغانستان کےدوسرے اہم ترین شہر قندھار کا کنٹرول سنبھالنے کے 24 گھنٹے بعد ہی طالبان نے ہلمند پر بھی قبضہ کرلیا تھا۔

افغان میڈیا رپورٹس کے مطابق افغانستان کے دیگر شہروں اور صوبوں میں طالبان کی پیش قدمی تیزی سے جاری ہے۔افغانستان کے معروف شہروں غزنی اور ہرات بھی طالبان کے کنٹرول میں جا چکے ہیں۔ گزشتہ ایک ہفتے کے دوران طالبان نے ملک کے 15 صوبوں کا کنٹرول سنبھال لیا ہے اور افغان فورسز وہاں سے پسپا ہو چکی ہیں۔