عائزہ خان کے ڈرامے 'لاپتہ' میں خواتین کو ہراساں کرنے کے مسئلے کو غیر سنجیدہ انداز میں پیش کرنے پر تنقید کا نشانہ بنایا جارہا ہے۔

ڈرامے میں عائزہ خان نے ٹک ٹاک اسٹار گیتی کا کردار نبھایا ہے ۔ تاہم اس ڈرامے کا ایک سین وائرل ہوا جس میں دکھایا گیا کہ کس طرح گیتی ایک دکان دار کو بلیک میل کرتی ہے۔

اس سین کو نہ صرف سلیبرٹیز بلکہ عام سوشل صارفین بھی تنقید کا نشانہ بنارہے ہیں۔

پی پی رہنما شرمیلا فاروقی نے اس حوالے سے اپنے جذبات کا اظہار کیا ۔

انسٹاگرام پر اپنے آراء کو بیان کرتے ہوئے شرمیلا کا کہنا تھا کہ وہ ڈرامے میں ہراسگی کے سنجیدہ موضوع کو غیر سنجیدگی سے پیش کرنے پر شدید حیرت سے دوچار ہیں۔

انہوں نے ڈرامہ نگاروں سے مطالبہ کیا کہ وہ ملک میں خواتین کو درپیش جنسی ہراسگی کے حقیقی مسئلے کو پیش کرنے میں ذمےداری کا مظاہرہ کریں۔

انہوں نے مزید کہا کہ خواتین پر ہونیوالے ظلم کے موجودہ ماحول میں اس طرز کے ڈرامے صورتحال کو مزید ابتر بناتے ہیں۔

View this post on Instagram

A post shared by Sharmila Saheba Faruqui s.i (@sharmilafaruqi)

گلوکارہ میشا شفیع نے بھی اس پر تنقید کی ۔ انہوں نے سین کو غیر ذمے دارانہ قرار دیا اور سین میں کردار کے عمل سے مکروع عمل کو بڑھاوے کی حیثیت سے منسوب کیا ۔

اداکارعدنان ملک کا کہنا تھا کہ نناوے فیصد پاکستانی ڈرامے سنجیدہ اور غیر سنجیدہ موضوعات میں تمیز نہیں کرسکتے۔