Aaj TV News

BR100 4,822 Decreased By ▼ -37 (-0.75%)
BR30 23,477 Decreased By ▼ -389 (-1.63%)
KSE100 45,597 Decreased By ▼ -412 (-0.89%)
KSE30 18,029 Decreased By ▼ -150 (-0.82%)
COVID-19 TOTAL DAILY
CASES 1,230,238 2,333
DEATHS 27,374 47
Sindh 452,267 Cases
Punjab 424,701 Cases
Balochistan 32,796 Cases
Islamabad 104,472 Cases
KP 171,874 Cases

آزاد کشمیر میں وزارت عظمی کی دوڑ جاری ہے اور وزیراعظم عمران خان نے آزاد کشمیرکی وزارت عظمیٰ کے لیے چارامیدواروں کے انٹرویوزمکمل کرلیےِ ۔

وزیراعظم کے عہدے کے لئے خواجہ فاروق اور اظہر صادق میں مقابلہ جبکہ سردار تنویر الیاس کو سپیکر آزاد کشمیر بنانے پر غور شروع کردیا گیا، وزیراعظم عمران خان بیرسٹر سلطان محمود کو صدر بنانے کے خواہاں ہیں۔

وزیراعظم کی زیرصدارت آزاد کشمیرکی سینئر قیادت کا مشاورتی اجلاس ہوا ۔ ذرائع کے مطابق وزیراعظم نے آزاد کشمیرکی وزارت عظمیٰ کے لیے چاروں امیدواروں کے انٹرویوزمکمل کرلیےِ۔

وزیراعظم سے بیرسٹرسلطان ، خواجہ فاروق، تنویرالیاس اوراظہرصادق نے الگ الگ ملاقات بھی کی ۔ وزیراعظم نے ہر امیدوار سے پندرہ پندرہ منٹ الگ الگ کی ملاقات کی۔

ملاقاتوں میں وفاقی وزیرعلی امین گنڈاپور بھی موجود تھے ۔

وزیراعظم نے چاروں امیدواروں سے مختلف سوالات کیے۔وزیراعظم نے سیاحت، پن بجلی، معدنیات، صحت تعلیم وترقیاتی کاموں سے متعلق ویژن دریافت کیا ۔ چاروں امیدواروں نے آزاد کشمیرسے متعلق اپنی اپنی ترجیحات سے وزیراعظم کو آگاہ کیا ۔

آزاد کشمیرکے وزیراعظم کی نامزدگی کے لیے عمران خان مزید مشاورت کریں گے ۔ ملاقات کے بعد میڈیا سے گفتگو میں چوہدری تنویرالیاس نے کہا کہ پارٹی کے چیئرمین جسے جو ذمہ داریاں دینگے،وہ کرینگے۔

بیرسٹرسلطان محمود نے کہا کہ کوئی نمبرگیمزنہیں، سب متحد ہیں ۔ عمران خان جسے بھی آزاد کشمیرکا وزیراعظم بنائیں گے۔

ذرائع کے مطابق وزیراعظم کے عہدے کے لئے خواجہ فاروق اور اظہر صادق میں مقابلہ جبکہ سردار تنویر الیاس کو سپیکر آزاد کشمیر بنانے پر غور کیا جارہا ہے، وزیراعظم عمران خان بیرسٹر سلطان محمود کو صدر بنانے کے خواہاں ہیں ۔