Aaj TV News

BR100 4,822 Decreased By ▼ -37 (-0.75%)
BR30 23,477 Decreased By ▼ -389 (-1.63%)
KSE100 45,597 Decreased By ▼ -412 (-0.89%)
KSE30 18,029 Decreased By ▼ -150 (-0.82%)
COVID-19 TOTAL DAILY
CASES 1,230,238 2,333
DEATHS 27,374 47
Sindh 452,267 Cases
Punjab 424,701 Cases
Balochistan 32,796 Cases
Islamabad 104,472 Cases
KP 171,874 Cases

فیس بک نے "میٹاورس" کے نام سے ایک نئی ڈیجیٹل دنیا بنانے کا آغاز کر دیا ہے۔

"میٹاورس" کی اصطلاح سائنس فکشن رائٹر نیل سٹیفنسن نے استعمال کی تھی، اس سے مراد ایک ایسی آن لائن دنیا ہے جہاں متعدد صارفین ایک ساتھ گھوم پھر سکیں، پیسے خرچ کر سکیں، میڈیا استعمال کر سکیں حتیٰ کہ مل جل کر کام بھی کر سکیں اور انہیں ایک دوسرے کے ساتھ ہونے کا احساس بھی ہو۔

فیس بک انتظامیہ کا کہنا ہے کہ وہ اپنے ہارڈر ویئر، گیمنگ اور ورچوئل ریئلٹی کے شعبوں کے ماہرین کو ایک گروپ کی صورت اکٹھا کر کے "میٹاورس" نامی نئی ڈیجیٹل دنیا بنا رہے ہیں۔ فیس بک کی انسٹاگرام ٹیم کے سربراہ وشال شاہ اس میٹاورس گروپ کی سربراہی کریں گے۔

فیس بک کے ایگزیکٹو ڈائریکٹر انڈریو بوس ورتھ نے ایک پوسٹ میں لکھا کہ ’آج ہم اپنی ٹیموں کو اکٹھا کر کے ایک میٹاورس پروڈکٹ گروپ بنا رہے ہیں تاکہ وہ اس اہم منصوبے پر کام کرے۔‘

انہوں نے کہا کہ’میٹاورس کی اصل خصوصیت "موجودگی" ہوگی یعنی ورچوئل دنیا میں لوگوں کے حقیقی ساتھ کا احساس۔‘

انڈریو ورتھ کے مطابق، ’فیس بک کے ہارڈویئر جیسا کہ پورٹل سمارٹ اسکرینیں اور اوکیولس ورچوئل ریئلٹی ہیڈ گیئر پہلے سے لوگوں کو ایک دوسرے سے دور ہونے کے باوجود قریب ہونے کا احساس دلا رہے ہیں۔ میٹاورس کا مکمل ورژن بنانے کے لیے ان تمام چیزوں کو مربوط بنانے کی ضرورت ہو گی۔‘

مقبول ویڈیو گیم فورٹ نائٹ بنانے والی امریکی کمپنی ایپک گیمز نے اس سال کے شروع میں کہا تھا کہ اس نےاپنی فنڈنگ میں ایک ارب ڈالرز کا اضافہ کیا ہے اور اس میں سے کچھ رقم میٹاورس کے وژن کی اعانت کے لیے استعمال کی جائے گی۔

خیال رہے کہ کورونا وبا کے دوران فورٹ نائٹ جیسی مقبول ویڈیو گیمز کے استعمال میں اضافہ دیکھا گیا ہے، ایسی گیمز کے بنانے والے ورچوئل پارٹیوں، سماجی میل جول اور کام سے متعلق تقریبات میں توسیع کا امکان دیکھ رہے ہیں۔