Aaj TV News

BR100 4,822 Decreased By ▼ -37 (-0.75%)
BR30 23,477 Decreased By ▼ -389 (-1.63%)
KSE100 45,597 Decreased By ▼ -412 (-0.89%)
KSE30 18,029 Decreased By ▼ -150 (-0.82%)
COVID-19 TOTAL DAILY
CASES 1,230,238 2,333
DEATHS 27,374 47
Sindh 452,267 Cases
Punjab 424,701 Cases
Balochistan 32,796 Cases
Islamabad 104,472 Cases
KP 171,874 Cases

بولی وُڈ کے معروف مصنفین میں سے ایک جاوید اختر کی جانب سے امریکا کے سابق صدر باراک اوباما اور مغل بادشاہ شاہ جہاں کا موازنہ کرنے پر انہیں بھارتیوں کی جانب سے تنقید کا نشانہ بنا رہے ہیں۔

جاوید اختر کئی دہائیوں سے فلم انڈسٹری سے وابستہ ہیں اور کئی فلموں کی کہانیاں اور گیت لکھ چکے ہیں۔ انہیں 5 مرتبہ نیشنل فلم ایوارڈ سے بھی نوازا گیا ہے۔

اس وقت جاوید اختر کے بیان کی وجہ سے ان پر سخت نکتہ چینی کی جارہی ہے۔

جاوید اختر نے ٹوئٹر پر امریکی صدر اور مغل بادشاہ کا موازنہ کرتے ہوئے لکھا، 'اوباما کے والد کینیا کے شہری تھے اور ان کے متعدد رشتے دار وہیں مقیم ہیں، اس کے باوجود اوباما امریکا کے انتخابات میں کامیابی حاصل کرکے صدر منتخب ہوگئے۔'

انہوں نے مزید لکھا، 'مغل بادشاہ شاہ جہاں کی 5 نسلیں بھارت میں ہی رہی ہیں اور ان کا راجپوت گھرانے سے تعلق رہا ہے تو ان کو غیر ملکی کیوں کہا جاتا ہے۔'

جاوید اختر کی ٹوئٹ پر ایک صارف نے لکھا کہ ہمیں غیرملکی، پناہ گزین اور حملہ آور میں فرق کرنا ہوگا، آپ کو بیان بازی سے قبل لغت کو دیکھنا چاہیے۔

ایک اور صارف نے ٹوئٹ پر ردعمل دیتے ہوئے لکھا کہ اوباما جمہوری طریقے سے امریکا کے صدر بنے، اس کی نسبت شاہ جہاں اور ان کے آباؤ اجداد نے قبضے اور قتل وغارت کے بعد حکمرانی کی۔ اوباما نے اپنے ملک کو سنوارا جبکہ مغل بادشاہوں نے لوٹ مار کی۔

صارف وویک رنجن نے اپنی ٹوئٹ میں جاوید اختر کو مخاطب ہوتے ہوئے لکھا کہ آپ اوباما اور شاہ جہاں کا غلط موازنہ کررہے ہیں۔ اوباما نے امریکا میں کوئی چرچ نہیں توڑا تھا اور نہ ہی امریکیوں کا تلوار کی نوک پر مذہب تبدیل کیا، اوباما ظالم حکمران نہیں تھا۔

واضح رہے کہ جاوید اختر مسلمان خاندان سے تعلق رکھتے ہیں لیکن وہ خود کو دہریہ کہتے ہیں۔ ان کے والد جان نثار اختر بولی وڈ کے لیے گانے لکھتے تھے جبکہ ان کی والدہ صفیہ اختر بھی گلوکارہ اور لکھاری رہی ہیں۔