Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

اگر آپ فرنچ فرائز کے شوقین ہیں اور اپنا شوق پورا کرنے کے لئے جیب کو نہیں دیکھتے، تو آپ کو اپنا شوق پورا کرنے کے لئے امریکا جانا پڑے گا۔ جہاں نیویارک میں ایک ایسا ریسٹورنٹ موجود ہے جو دنیا کے سب سے مہنگے فرنچ فرائز تیار کرتا ہے، یہاں پکائے گئے فرنچ فرائز کی ایک پلیٹ کی قیمت 200 ڈالرز رکھی گئی ہے۔

دنیا کے مہنگے ترین فرنچ فرائز بنانے والے اس ریسٹورنٹ کا نام ''کریمی دی لا کریمی پوم فرائٹ'' ہے۔ جس کی جانب سے پیش کئے گئے دنیا کے سب سے مہنگے فرنچ فرائز کی ڈش کو گنیز بک آف ورلڈ ریکارڈ میں شامل کر لیا گیا ہے۔

ریسٹورنٹ مالکان کا دعویٰ ہے کہ ان فرنچ فرائز کی تیاری میں مہنگی ترین چیزوں کا استعمال کیا جاتا ہے جس کی وجہ سے ان کی قیمت اس قدر زیادہ رکھی گئی ہے۔

مالکان کا میڈیا سے گفتگو میں کہنا تھا کہ ان مہنگے ترین فرنچ فرائز کی تیاری میں ٹرٹوفیلو پنیر، کریٹ سینیسی پیکورینو، ریفل تیل اور فرانس سے درآمد کیا گیا انتہائی نفیس نمک استعمال کیا جاتا ہے۔

خیال رہے کہ اس سے قبل متحدہ عرب امارات کے ایک ریسٹورنٹ میں دنیا کی سب سے مہنگی بریانی متعارف کرائی گئی تھی۔ اس بریانی کے ایک تھال کی قیمت لگ بھگ 45 ہزار روپے ہے۔

رایل گولڈ نامی اس بریانی کی تیاری میں انتہائی مہنگے اور نایاب قسم کے اجزا کے استعمال کے ساتھ ساتھ اس میں سونا بھی شامل کیا گیا ہے۔