Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

سینٹ لوشیا :ویسٹ انڈیز کے جارح مزاج بلے باز کرس گیل ٹی 20 کرکٹ میں 14 ہزار رنز بنانے والے پہلے کرکٹر بن گئے۔

کرکٹ میں ’دی یونیورس باس‘ کے نام سے شہرت پانے والے ویسٹ انڈین بلے باز کرس گیل نے سینٹ لوشیا میں کھیلے گئے آسٹریلیا کیخلاف تیسرے ٹی ٹوئنٹی انٹرنیشنل میں حاصل کیا ہے جس میں کرس گیل نے نصف سنچری کی مدد سے 38گیندوں پر 67 رنز کی اننگز کھیل کر ٹیم کو فتح دلانے میں اہم کردار ادا کیا اور میچ کے بہترین کھلاڑی بھی قرار پائے ہیں۔

اس میچ میں کامیابی کے بعد ویسٹ انڈیز نے 5 میچز کی سیریز بھی اپنے نام کرلی ہے۔

41سالہ جارحانہ بلے باز کرس گیل کا کہنا تھا کہ ان کی اصل توجہ رواں سال کے ٹی ٹوئنٹی ولڈ کپ پر ہے جو اکتوبر میں متحدہ عرب امارات میں کھیلا جائے گا۔

کرس گیل نے ویسٹ انڈیز سمیت 28 مختلف ٹیموں کی نمائندگی کرتے ہوئے 431 ٹی ٹوئنٹی میچزکھیلے ہیں جس میں انہوں نے کئی اعزازات اپنے کیے ہیں۔ تاہم ٹی ٹوئنٹی کرکٹ میں سب سے زیادہ رنز کرس گیل کے بعد کیرون پولارڈ 10 ہزار 836 رنز بنا کر دوسرے اور پاکستانی بلے باز شعیب ملک 10 ہزار 741 رنز بنا کر تیسرے نمبر پر ہیں۔

خیال رہے کہ ویسٹ انڈیز کو آسٹریلیا کیخلاف 5 ٹی ٹوئنٹی میچز کی سیریز میں 0-3 کی فیصلہ کن برتری بھی حاصل ہوگئی ہے۔