Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,223,841 2,580
DEATHS 27,206 71
Sindh 450,126 Cases
Punjab 421,800 Cases
Balochistan 32,757 Cases
Islamabad 104,114 Cases
KP 171,072 Cases

لاہور:پاکستان سے تعلق رکھنے والے دراز قد فاسٹ بولر محمد عرفان نے ٹی 20ورلڈ کپ کھیلنے کو اپنا ہدف بنالیا ،ان کا کہنا ہے کہ اس وقت میرا ایک ہی ہدف ہے کہ میں نے پاکستان کرکٹ ٹیم میں کم بیک کرنا ہے اور ٹی 20 ورلڈ کپ کھیلنا ہے۔

7فٹ ایک انچ قدوقامت کے مالک محمد عرفان نے آخری مرتبہ نومبر 2019 میں کینبرا میں پاکستان کرکٹ ٹیم کی آسٹریلیا کیخلاف نمائندگی کی جبکہ ستمبر 2016 میں انہوں نے اپنا آخری ون ڈے میچ لیڈز کے مقام پر انگلینڈ کیخلاف کھیلا تھا۔

محمد عرفان پی ایس ایل کے بعد اب آف سیزن میں اپنی فٹنس پر کام کر رہے ہیں اور وہ تسلیم کرتے ہیں کہ وہ فٹنس میں کمزور تھے اس لےع انہوں نے آف سیزن میں اپنی فٹنس کو بہتر کرنے پر فوکس کیا ہے کیونکہ اس وقت ان کا ایک ہی ہدف ہے کہ پاکستان ٹیم میں واپسی کرنی ہے اور اس کیلئے فٹنس کو مزید بہتر بنا رہے ہیں۔

فاسٹ بولر نے مزیدکہا کہ میں ٹی 20 ورلڈ کپ کھیلنا چاہتا ہوں، میں سمجھتا ہوں کہ ورلڈکپ متحدہ عرب امارات میں ہو رہا ہے اور میں متحدہ عرب امارات میں زیادہ کامیاب ہو سکتا ہوں، میں نے 2015 میں ون ڈے ورلڈ کپ کھیلا ہے جبکہ 2016 کا ٹی ٹوئنٹی ورلڈ کپ بھی کھیل چکا ہوں، اب میں پھر ورلڈ کپ کھیلنا چاہتا ہوں اور اس کیلئے میں بہت محنت کر رہا ہوں۔

محمد عرفان کا کہنا ہے کہ پی ایس ایل میں کارکردگی اچھی رہی ہے، بس مجھے فٹنس میں تھوڑی کمی محسوس ہوئی، میرا دیگر لیگز کے ساتھ بھی معاہدہ ہے، وہ بھی میں کھیلوں گا۔

فاسٹ بولر محمد عرفان کا مزید کہنا تھا کہ خوشی ہے کہ پاکستان کے پاس بہت فاسٹ بولرز آ رہے ہیں اور نوجوان فاسٹ بولرز میں بہت مقابلہ ہے، نوجوانوں کو گروم کرنا چاہیئے لیکن میرا قد کی وجہ سے کسی سے مقابلہ نہیں ہے، مجھے خود پر اعتماد ہے کہ میں واپس آ سکتا ہوں اور پاکستان کیلئےمزید اچھا کر سکتا ہوں۔

محمد عرفان آج کل لاہور کے مقامی جم میں اپنے انفرادی ٹرینر کے ساتھ 2 گھنٹے فزیکل ٹریننگ کرتے ہیں۔