Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

حکومت نے آئل ٹینکرز ایسوسی ایشن کے مطالبات منظورکرلئے ، جس کے بعد مذاکرات کامیاب ہوگئے ہیں ۔ ایسوسی ایشن نے ہڑتال کی کال واپس لے لی ۔ وفاقی وزیر حماد اظہرنے کہا کہ احتجاج قانون کے دائرے میں رہ کر ہونا چاہیے ۔

اسلام آباد میں حکومت اور آئل ٹینکرز ایسوسی ایشن کے درمیان مذاکرات دو گھنٹے جاری رہے ۔ مذاکرات میں وزہر توانائی حماد اظہر، سیکرٹری پٹرولیم اور ایسوسی ایشن کے عہدیدار شریک ہوئے ۔

مذاکرات میں ٹیکسز میں کمی سمیت دیگر معاملات پر بات چیت کی گئی ۔ مطالبات کے حق میں آئل ٹینکرز ایسوسی ایشن کل سے ہڑتال پر تھے۔

میڈیا سے گفتگو کرتے ہوئے ایسوسی ایشن کے رہنماوں نے کہا کہ حکومت نے ہمارے مطالبات منظور کرلیے ۔ ہم نے ہڑتال ختم کرنے کااعلان کیا ہے ۔

وفاقی وزیر حماد اظہر نے کہا کہ آئل ٹینکرزایسوسی ایشن سےمذاکرات کا سلسلہ جاری تھا ۔ افہام و تفہیم کے ساتھ تمام معاملات طے پا گئے۔ ہم پورا سال ملتے رہیں گے۔ ہم نےبات چیت کا ایک فورم بنادیا ہے۔

ان کا مزید کہنا تھا کہ احتجاج قانون کے دائرے میں رہ کر ہونا چاہیے ۔ معاملات بگڑے ہیں تو اسکا مطلب ہے دونوں طرف خامیاں تھیں ۔

ٹینکر ایسوسی ایشن رہنماؤں نے کہا کہ احمد پور شرقیہ والے معاملے کے بعد ہماری حکومت کے ساتھ کمٹمنٹ ہوئی تھی ہماری گاڑیاں اپ ڈیٹ ہوئی ہیں ۔ ٹینکرز کی اپ گریڈیشن 100 فیصد مکمل ہوچکی ہے ۔