Aaj TV News

BR100 4,760 Increased By ▲ 117 (2.52%)
BR30 20,622 Increased By ▲ 327 (1.61%)
KSE100 45,851 Increased By ▲ 547 (1.21%)
KSE30 17,940 Increased By ▲ 232 (1.31%)
COVID-19 TOTAL DAILY
CASES 1,270,322 516
DEATHS 28,405 13
Sindh 468,401 Cases
Punjab 439,450 Cases
Balochistan 33,211 Cases
Islamabad 106,777 Cases
KP 177,646 Cases

راولپنڈی :بلوچستان کے ضلع سبی میں دہشتگردوں نے ایف سی کی پیٹرولنگ پارٹی پر حملہ کردیا،جس کے نتیجے میں ایف سی کے 5جوان شہید ہوگئے،شدید فائرنگ کےتبادلےمیں دہشتگردوں کو بھاری جانی ومالی نقصان پہنچا،سیکیورٹی فورسزکادہشتگردوں کی تلاش کیلئے آپریشن جاری ہے۔

پاک فوج کے شعبہ تعلقات عامہ (آئی ایس پی آر)کے مطابق بلوچستان کے ضلع سبی کےقریب سنگن کےعلاقے میں دہشتگردوں نے ایف سی بلوچستان کی پیٹرولنگ پارٹی پرحملہ کردیا،دہشتگردوں کے حملے میں ایف سی کے5بہادر جوانوں نے جام شہادت نوش کیا۔

آئی ایس پی آر کے مطابق شہداءمیں حوالدارظفرعلی،لانس نائیک ہدایت اللہ،لانس نائیک ناصرعباس ، لانس نائیک بشیراحمد اورسپاہی نوراللہ شامل ہیں۔

آئی ایس پی آر نے بتایا کہ شہید ظفر علی ، شہید ہدایت اللہ اور شہید نور اللہ کا تعلق لکی مروت سے ہے جبکہ شہید ناصر عباس کا تعلق بھکر اور شہید بشیر احمد کا تعلق نصیر آباد سے ہے۔

آئی ایس پی آرکا بتانا ہے کہ فائرنگ کےتبادلے میں دہشتگردوں کابھاری جانی اور مالی نقصان ہوا جبکہ دہشتگردوں کی تلاش کیلئے سرچ آپریشن جاری ہے۔

آئی ایس پی آرنےعزم کا اعادہ کیا کہ دشمن کوکٹھن اندازمیں حاصل کردہ بلوچستان کےامن و خوشحالی کوسبوتاژنہیں کرنےدیں گے،سیکیورٹی فورسزاپنے خون اور جان سے دشمن کے ناپاک عزائم خاک میں ملاتی رہیں گی۔