Aaj News

جمعہ, مارچ 29, 2024  
18 Ramadan 1445  

ذیلی کمیٹی برائے ای سی ایل :12 افراد کے نام ای سی ایل میں ڈالنے کی سفارش

وفاقی کابینہ کی ذیلی کمیٹی برائے ای سی ایل نے مختلف محکموں...
شائع 24 جون 2021 08:47pm

وفاقی کابینہ کی ذیلی کمیٹی برائے ای سی ایل نے مختلف محکموں اورایجنسیوں کی طرف سے بھیجے جانے والے 13 کیسوں میں سے 12 افراد کے نام ای سی ایل میں ڈالنے کی سفارش کی ہے ۔ذیلی کمیٹی کی سفارشات حتمی منظوری کےلئے وفاقی کابینہ کو ارسال کی جائیں گی۔

وفاقی کابینہ کی ذیلی کمیٹی برائے ای سی ایل کا اجلاس اسلام آباد ہوا۔وزیر داخلہ شیخ رشید احمد اور وزیر قانون فروغ نسیم نے اجلاس میں شرکت کی۔

اجلاس میں نیب،وزارت قانون اور داخلہ کے افسران بھی شریک تھے۔

اجلاس میں مختلف محکموں اور ایجنسیوں کی طرف سے بھیجے جانے والے 13 کیسوں میں سے 12 افراد کے نام ای سی ایل میں ڈالنے کی سفارش کی گئی۔18مختلف نوعیت کےکیسز کو ای سی ایل سے نکالنے کی سفارش بھی کی گئی۔

نظر ثانی کےلئے پیش کی گئیں27 اپیلوں میں سے چھ افراد کے نام ای سی ایل سے نکالنے کی سفارش کی گئی۔ایک کیس کو مسترد کر دیا گیا جبکہ 20 کیسز کو عدم حاضری پر موخر کردیا گیا۔

زرعی ترقیاتی بینک کے صدر سید طلعت کو علاج کےلئےبیرون ملک جانے کےلئے ون ٹائم اجازت دینے کی سفارش کی گئی۔

ذیلی کمیٹی کی سفارشات حتمی منظوری کےلئے وفاقی کابینہ کو ارسال کی جائیں گی۔

NAB

federal cabinet

Interior Minister

National Assembly

Standing committee

Comments are closed on this story.

تبصرے

تبولا

Taboola ads will show in this div