Aaj News

'حکومت بیرون ملک مقیم پاکستانیوں کوووٹ کاحق دینے کےلئے پُرعزم ہے'

وفاقی وزیر اطلاعات ونشریات چوہدری فوادحسین نے الیکشن کمیشن...
اپ ڈیٹ 23 جون 2021 07:33pm

وفاقی وزیر اطلاعات ونشریات چوہدری فوادحسین نے الیکشن کمیشن پرزوردیاہے کہ وہ آئندہ بلدیاتی اورضمنی انتخابات الیکٹرانک ووٹنگ مشینوں کے ذریعے منعقد کرانے کےلئے اقدامات کرے۔

اسلام آبادمیں وفاقی کابینہ کے اجلاس کے بعدصحافیوں کوبریفنگ دیتے ہوئے انہوں نے کہاکہ اس طرح نہ صرف انتخابی عمل کی خامیوں پرقابوپانے میں مدد ملے گی بلکہ الیکٹرانک ووٹنگ مشینوں پرعوام کااعتمادبھی مستحکم ہوگا۔اس طرح بالآخرآئندہ عام انتخابات میں اس مشین کااستعمال یقینی بنے گا۔

انہوں نے کہاکہ حکومت آئی ووٹنگ متعارف کراکے تقریباً 85 لاکھ بیرون ملک مقیم پاکستانیوں کوووٹ کاحق دینے کےلئے پُرعزم ہے۔

وزیراطلاعات نے کہاکہ کابینہ نے ملک میں گندم کی بڑھتی ہوئی طلب کو پورا کرنے کےلئے 10 لاکھ میٹرک ٹن گندم درآمدکرنے کی اجازت دی ہے۔

انہوں نے کہاکہ حکومت پہلے ہی مزید 30 لاکھ میٹرک ٹن گندم درآمدکرنے کی اجازت دے چکی ہے۔

ریڈیو پاکستان

fawad chaudhry

overseas Pakistanis

Federal Information Minister

Comments are closed on this story.

مقبول ترین