معروف بھارتی یوٹیوبر بھون بام (بی بی) کو بڑا صدمہ پہنچا ہے، ان کے والدین کورونا کے باعث انتقال کرگئے ہیں۔

بھون بام نے اپنے انسٹاگرام اکاؤنٹ پر انتقال کی اطلاع دیتے ہوئے والدین کے ہمراہ تصویر پوسٹ کی، انہوں نے لکھا کہ کورونا نے میری لائف لائن چھین لیں، والدین کے بغیر کچھ بھی پہلے جیسا نہیں رہے گا۔

بھون نے مزید لکھا کہ ایک مہینے میں سب بکھر گیا۔ گھر، میرے خواب سب ختم ہوگیا۔

ان کا مزید کہنا تھا کہ میرے والدین میرے ساتھ نہیں ہیں، اب شروع سے جینا سیکھنا پڑے گا، اب جینے کا دل نہیں کررہا۔

بھون بام نے لکھا کہ کیا میں ایک اچھا بیٹا تھا؟ کیا میں نے انہیں بچانے کیلئے جو کیا وہ کافی تھا؟ مجھے ان سوالوں کے ساتھ ہمیشہ کیلئے جینا پڑے گا۔ انہیں دوبارہ دیکھنے کیلئے مزید انتطار نہیں کرسکتا، خواہش ہے کہ وہ دن جلد آجائے۔

خیال رہے کہ بھون بام بھارت کے معروف یوٹیوبر ہیں جو "بی بی کی وائنز" کے نام سے چینل چلاتے ہیں، ان کے چینل پر سبسکرائبر کی تعداد 2 کروڑ سے زائد ہے۔