Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,284,189 303
DEATHS 28,709 5
Sindh 475,248 Cases
Punjab 442,950 Cases
Balochistan 33,479 Cases
Islamabad 107,626 Cases
KP 179,928 Cases

ترکی کے صدر رجب طیب ایردوان نے روسی ہم منصب ولا دیمیر پیوٹن سے ٹیلی فون پر رابطہ کیا ہے۔

ترکی کے شعبہ اطلاعات کے مطابق، اس بات چیت میں فلسطین کی تازہ صورت حال اور اسپوتنک فائیو ویکسین کی ترکی کو فراہمی کا موضوع زیر بحث لایا گیا ۔

صدر ایردوان نے اسرائیل کی جانب سے القدس، غزہ، مسجد الاقصی اور فلسطینیوں کے خلاف حملوں کی سخت مذمت کرتے ہوئے عالمی برادری سے اس سلسلے میں اسرائیل کی سر زنش کرنے کی ضرورت پر زور دیا۔

انہوں نے یہ بھی کہا کہ روسی امور خارجہ نے فلسطین کے حوالے سے اقوام متحدہ کے دو ریاستی حل پر مبنی جو بیان دیا ہے وہ اہم ہے جبکہ ترکی اور روس القدس کے معاملے میں ہم فکر بھی ہیں۔

صدر ایردوان نے مزید کہا کہ اس بحران کی شدت کو روکنے کے لیے سلامتی کونسل کو فوری مداخلت کرنی چاہیئے ، فلسطینی شہریوں کے تحفظ کے لیے علاقے میں عالمی امن فون کی تعیناتی قابل غور ہو سکتی ہے جس میں ترکی اور روس قریبی تعاون کر سکتے ہیں۔

روسی صدر نے بھی ترک عوام کو عید الفطر کی مبارک باد پیش کی ۔