Aaj TV News

BR100 4,441 Decreased By ▼ -46 (-1.03%)
BR30 17,477 Decreased By ▼ -304 (-1.71%)
KSE100 43,519 Decreased By ▼ -328 (-0.75%)
KSE30 16,957 Decreased By ▼ -92 (-0.54%)
COVID-19 TOTAL DAILY
CASES 1,288,053 350
DEATHS 28,803 10
Sindh 477,299 Cases
Punjab 443,682 Cases
Balochistan 33,519 Cases
Islamabad 108,022 Cases
KP 180,514 Cases

پاکستانی سفارتخانے کے دو ملازمین جنوبی کوریا کے شہر سیول کی ایک دکان سے چوری کرتے ہوئے پکڑے گئے۔

کورین میڈیا کی رپورٹ کے مطابق دکاندار نے سی سی ٹی وی فوٹیج دکھا کر دونوں سفارتکاروں کے خلاف پولیس میں مقدمہ درج کروا دیا۔

سی سی ٹی وی فوٹیج میں دیکھا جا سکتا ہے کہ دونوں سفارتکار دکان سے معمولی قیمت کی چاکلیٹ اور ہیٹ چوری کرتے پکڑے گئے، جس کی قیمت صرف 10 ڈالر بتائی گئی ہے۔ اتنی معمولی سی چیز کے لیے چوری کرنے والے سفارتکار پاکستان کے لیے شرمندگی کا باعث بن گئے ہیں۔

دنیا بھر کے میڈیا پر پاکستانی سفارتکاروں کا مذاق بنایا جا رہا ہے۔ پولیس نے دونوں سفارتکاروں کے خلاف مقدمہ درج کر کے تحقیقات کا آغاز کیا، جس کے بعد جب پولیس کو معلوم ہوا کہ دونوں سفارتکاروں کا تعلق پاکستانی سفارتخانے سے ہے تو تحقیق کو ختم کر دیا گیا۔

پولیس نے یہ فیصلہ ویانا کنوینشن کے تحت کیا، جس کے مطابق سفارتکاروں اور ان کے خاندان کے افراد کو ملکی تعلقات کی وجہ سے گرفتار نہیں کیا جا سکتا۔ نہ ہی سفارتکاروں کو قید و بند کیا جا سکتا ہے۔

پولیس آفیسرز نے یہ بھی نوٹ کیا کہ دکان کا مالک چوری کرنے والے سفارتکاروں کے خلاف مقدمہ درج کروانا نہیں چاہتا تھا کیونکہ پاکستانی سفارتخانے نے دکاندار کو چوری کی گئی اشیاء کا معاوضہ ادا کر دیا تھا۔

پولیس کی تحقیقات میں ایک دلچسپ انکشاف یہ بھی ہوا کہ مذکورہ سفارتکار پہلے بھی اسی سٹور سے چوری کر چکے ہیں اور چوری کرنے پر پکڑے نہ جانے پر انہوں نے دوبارہ چوری کی۔