Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,367,605 7,586
DEATHS 29,097 20
Sindh 523,774 Cases
Punjab 462,323 Cases
Balochistan 33,910 Cases
Islamabad 117,436 Cases
KP 184,455 Cases

وفاقی کابینہ نے وزیراعظم کے معاون خصوصی شہباز گل کو 3 اسلحہ لائسنس رکھنے کی منظوری دے دی ۔

وزیراعظم عمران خان کی زیرصدارت وفاقی کابینہ کا اجلاس اسلام آباد میں ہوا ۔ وفاقی کابینہ کو پی آئی اے کے ری سٹرکچرنگ پلان پربریفنگ دی گئی ۔ وزارت صحت کے چارفاسٹ ٹریک منصوبوں پر عملدرآمد کے لیے خصوصی چھوٹ دینے پربریفنگ دی گئی ۔

وفاقی کابینہ کوگردشی قرضے کے پلان پر بریفنگ دی گئی ۔ وفاقی کابینہ نے نان ٹریٹی ممالک کی جانب سے میوچوئل لیگل اسسٹنس کی درخواستوں کی منظوری دی گئی ۔

وفاقی کابینہ نے پاکستان ہاؤسنگ اتھارٹی فاونڈیشن کے چیف ایگزیکٹو کی تعیناتی کی منظوری دے دی ۔

کابینہ کمیٹی برائے توانائی کے گزشتہ دو اجلاسوں کے فیصلوں کی توثیق بھی کردی ۔ کابینہ کمیٹی برائے قانون سازی کے متعددفیصلوں کی توثیق بھی کی گئی ۔ وفاقی کابینہ کو ممنوعہ بورکے لائسنس سے متعلق وزارت داخلہ کی بریفنگ دی ۔ کابینہ نے پاکستان اورسعودی ترقیاتی فنڈ کے درمیان مفاہمت کی یادداشت کی منظوری دے دی ۔

وفاقی کابینہ نے شہباز گل کو 3 اسلحہ لائسنسز رکھنے کی منظوری دے دی ۔شہبازگل کو ایک 223 بور اور دو AK47 اسلحہ رکھنے کی اجازت ہو گی ۔

وفاقی کابینہ نے شہباز گل پر ہونے والے حالیہ حملوں کے نتیجے میں اسلحہ لائسنس رکھنے کی منظوری دی ۔ ذرائع کے مطابق وزارت داخلہ کی سمری پر وفاقی کابینہ نے منظوری دی۔