Aaj TV News

BR100 4,469 Decreased By ▼ -202 (-4.33%)
BR30 17,630 Decreased By ▼ -1204 (-6.39%)
KSE100 43,707 Decreased By ▼ -1662 (-3.66%)
KSE30 16,874 Decreased By ▼ -702 (-3.99%)
COVID-19 TOTAL DAILY
CASES 1,285,631 377
DEATHS 28,745 8
Sindh 476,017 Cases
Punjab 443,240 Cases
Balochistan 33,488 Cases
Islamabad 107,765 Cases
KP 180,146 Cases

اوٹاوا،مسقط:کینیڈا اور عمان نے 3ملکوں پر سفری پابندیاں عائد کردیں، پاکستان، بھارت اور بنگلادیش شامل، پابندیاں ایک ماہ کیلئے لگائی گئی ہیں،جس کا اطلاق 24اپریل سے ہوگا۔

کورونا وائرس کی بگڑتی ہوئی صورتحال کے باعث کینیڈا نے پاکستان اور بھارت پر 30روز کیلئے سفری پابندیاں عائدکردیں،صوبائی حکومتوں نےبڑھتے کیسز پر وفاقی حکومت سے پابندی کا مطالبہ کیا تھا۔

پاکستان پر فضائی پابندی کے بعد پی آئی اے کی پروازیں 30 دن تک کینیڈا نہیں جاسکیں گی۔

دوسری جانب پی آئی اے کو کینیڈین ایوی ایشن اتھارٹی کا نوٹس بھی موصول ہوگیا ہے ،پی آئی اے ذرائع کا کہنا ہے کہ کینیڈین پابندی سے متعلق تفصیلات کا انتظار ہے۔

عمان نے پاکستان، بھارت اور بنگلہ دیش پر سفری پابندیاں عائد کر دیں

ادھر کورونا وائرس کے پھیلاؤ کی روک تھام کیلئے عمان نے پاکستان، بھارت اور بنگلہ دیش پر سفری پابندیاں عائد کر دیں۔

اس حوالے سے عمان کی سول ایوی ایشن اتھارٹی نے نوٹی فکیشن جاری کردیا ہے جس کےمطابق کورونا وائرس کی تیسری خطرناک لہر اور بڑھتے کیسز کے سبب پاکستان، بھارت اور بنگلہ دیش پر سفری پابندیاں عائد کی جارہی ہیں۔

تمام ایئرلائنز آپریٹر کو خصوصی مراسلہ جاری کرد یا گیا ہے جس میں کہا گیا ہے کہ تینوں ممالک کے مسافروں کی عمان آنے پابندی عائد کی گئی جو 24 اپریل سے نافذ العمل ہوگی۔

دوسری جانب قومی ایئرلائن کی مسقط جانے والی تمام پروازیں منسوخ ہوگئی ہیں۔